कांग्रेस सभापति देउवाद्वारा माघे संक्रान्तिको अवसरमा शुभकामना प्रदान
![](https://i0.wp.com/www.republicadainik.com/wp-content/uploads/2023/06/Sherbahadur-Deuba-1.jpg?resize=810%2C446)
काठमाडौं । नेपाली कांग्रेसका सभापति शेरबहादुर देउवाले मकर संक्रान्ति अर्थात माघे संक्रान्तिको अवसरमा शुभ–कामना दिएका छन् ।
सोमबार सभापति देउवाले शुभकामना सन्देश जारी गरेर नेपालका विभिन्न जातजातिहरूले विशेष पर्वका रुपमा मनाउँदै आएको माघे संक्रान्तिको अवसरमा शुभकामना दिएका हुन् ।
उनले नेपाल प्राचीन कालदेखि विभिन्न जातजातिहरूको बसोबासको संगमस्थल रहेकोले नेपाल विभिन्न भाषा, विभिन्न धर्म, विभिन्न संस्कृति र चाडपर्वहरूको आफ्नो बेग्लै विशेषता रहेको जनाएका छन् ।
उनले एकले अर्काको यी हरेक विषयलाई आदर र सम्मान गर्ने हाम्रो आफ्नै विशिष्ट परम्परा रहेको जनाएका छन् ।
‘भौगोलिक, जातीय र सांस्कृतिक विविधता रहेको नेपालमा मनाइने यो पर्वले आफ्ना धर्म, संस्कृति, रीतिरिवाज र परम्पराको संरक्षणमा लाग्न सबैलाई प्रेरित गर्नुका साथै सामाजिक सद्भावना बढाउँदै सबै जातजाति, धर्म, वर्ग र पेशा अबलम्बन गर्ने नेपालीहरूका बीचमा सुमधुर सम्बन्ध कायम गर्न सघाएका छन्’, सभापति देउवाले भनेका छन् ।
‘यी पर्वले नै अनेकतामा एकता कायम गरी राष्ट्रिय भावनाको जगेर्ना गर्न महत्वपूर्ण भूमिका खेलेका छन्’, उनले भने ।
‘मकर संक्रान्ति/माघे संक्रान्तिका अवसरमा यस दिनलाई विशेष पर्वका रुपमा मनाउनु हुने थारु समुदाय लगायत अन्य समुदायका सम्पूर्ण दिदीबहिनी तथा दाजुभाइहरूमा नेपाली कांग्रेस र मेरोतर्फबाट सुख, शान्ति र समृद्धिको हार्दिक शुभकामना व्यक्त गर्दछु’, देउवाले भने ।
बिचार/ब्लग
![](https://i0.wp.com/www.republicadainik.com/wp-content/uploads/2024/07/Sherbahadur-Deuba-1-1.jpg?resize=200%2C200)
सभापति देउवाले विश्वासको मत दिँदा दिएको अभिव्यक्ति
शेरबहादुर देउवा, सभापति एवं नेता संसदीय दल, नेपाली कांग्रेस![](https://i0.wp.com/www.republicadainik.com/wp-content/uploads/2024/07/Sudarshan-Thapaliya.jpg?resize=200%2C200)
फेसबुकबाट तपाईको प्रतिक्रिया