कांग्रेस नेतृ समेत रहेकी सभापति डा.राणालाई नेपालगञ्जमा भव्य स्वागत
![](https://i0.wp.com/www.republicadainik.com/wp-content/uploads/2024/01/Arju-Rana-Didi.jpg?resize=810%2C458)
नेपालगञ्ज । नेपाली कांग्रेसकी केन्द्रीय सदस्य समेत रहेकी कृषि, सहकारी तथा प्राकृतिक स्रोत समितिकी सभापति डा.आरजु राणा देउवालाई बाँकेमा भव्य स्थागत भएको छ ।
लुम्बिनी प्रदेशका उद्योग तथा यातायात व्यवस्थामन्त्री रोज राणा, नेपाली कांग्रेसका केन्द्रीय सदस्य योगेन्द्र चौधरीसहित नेपाल तरुण दलका नेता कार्यकर्ताहरुले डा.राणालाई स्वागत गरेका हुन् ।
जाजरकोटका भूकम्प प्रभावितका लागि राहत हस्तान्तरण गर्न आएकी नेतृ डा.राणालाई मन्त्री राणा, नेता चौधरी र तरुणहरुले नेपालगञ्जको राँझा विमानस्थलमा भव्य स्वागत गरेको नेपाल तरुण दल नेपालगञ्ज नगर कार्यसमितिका सभापति सन्दीप शाहले बताएका छन् ।
सभापति डा.राणाले जाजरकोटका भूकम्प प्रभावितका लागि राहत सामग्री नेपाल तरुण दलका अध्यक्ष विद्वान गुरुङलाई हस्तान्तरण गरेकी छिन् । अध्यक्ष गुरुङले नेपाल तरुण दल जाजरकोटलाई राहत सामग्री जिम्मा लगाएका छन् ।
सभापति डा.राणालाई स्वागत गर्न लुम्बिनी प्रदेशका उद्योग तथा यातायात व्यवस्थामन्त्री राणा, नेपाली कांग्रेसका केन्द्रीय सदस्य चौधरी, लुम्बिनी प्रदेशका प्रदेशसभा सदस्यद्वय बादशाह कुर्मी र माया पुन, नेपाल तरुण दलका केन्द्रीय सदस्यहरु सरिन घिमिरे, मीनबहादुर शाही, स्मिता मोक्तान, सुनिल बस्नेत, लगायत सयौँ नेता कार्यकर्ताको उपस्थिति रहेको थियो ।
सभापति डा.राणा राहत वितरणको कार्यक्रममा सहभागी भएर शुक्रबार साँझ बुद्ध एयरको उडानमार्फत काठमाडौं फर्किएकी छिन् ।
काठमाडौं फर्किनुभन्दा अगाडि सभापति तथा कांग्रेस नेतृ डा.राणाले नेपालगञ्जस्थित एक होटलमा नेपाल तरुण दलका नेता तथा कार्यकर्ताहरुसँग भेटवार्ता गरेकी थिइन् ।
![](https://i0.wp.com/www.republicadainik.com/wp-content/uploads/2024/01/arju-Rana-Bimal-Binod.jpg?resize=810%2C472)
बिचार/ब्लग
![](https://i0.wp.com/www.republicadainik.com/wp-content/uploads/2024/07/Sherbahadur-Deuba-1-1.jpg?resize=200%2C200)
सभापति देउवाले विश्वासको मत दिँदा दिएको अभिव्यक्ति
शेरबहादुर देउवा, सभापति एवं नेता संसदीय दल, नेपाली कांग्रेस![](https://i0.wp.com/www.republicadainik.com/wp-content/uploads/2024/07/Sudarshan-Thapaliya.jpg?resize=200%2C200)
फेसबुकबाट तपाईको प्रतिक्रिया