माओवादीबाट जितेका पालिकाका अध्यक्षले सरकारी गाडी कान्लामा पुर्याए, साढे ५ लाख झ्वाम
![](https://i0.wp.com/www.republicadainik.com/wp-content/uploads/2024/01/Gadi.jpg?resize=810%2C510)
काठमाडौं । रामेछापको दोरम्बा शैलुङ गाउँपालिकाका अध्यक्ष मैनकुमार मोक्तानले सिक्ने क्रममा दुर्घटना गराएर क्षति भएको गाडीको मर्मत भएको छ ।
अध्यक्ष मोक्तानले प्रदेश ३–०१, ००२ झ ५१०६ नम्बरको गाडी सिक्ने क्रममा दुर्घटना गराएका थिए । मोक्तानले कात्तिक १ गते सिक्ने क्रममा दुर्घटना गराएका थिए ।
मोक्तान माओवादी केन्द्रबाट निर्वाचित भएका हुन् । गाउँपालिकामा माओवादीको सत्ताको आडमा उनले बबाल गर्दै आएका छन् ।
अध्यक्ष मोक्तानले आफूले दुर्घटना गराएर क्षति पुर्याएको गाडीको मर्मत खर्च आफै व्यहोर्नु पर्ने थियो । उनले गाडीको मर्मत खर्च गाउँपालिकालाई तिर्न लगाएका छन् ।
गाडी बनाएको मर्मत खर्चवापत गाउँपालिकाले पाँच लाख ५६ हजार ६ सय ३ रुपियाँ तिरेको छ । अध्यक्ष मोक्तानले राजनीतिक शक्तिको दुरुपयोग गर्दै गाउँपालिकालाई रकम खर्च गर्न लगाएका छन् ।
अध्यक्ष मोक्तानले पार्किङ स्थलबाट गाडी झिकेर चलाउन खोज्दा गाडी कान्लामा जोतिन पुगेको थियो । गाडीको अगाडिको भागमा क्षति पुगेको छ ।
अध्यक्ष मोक्तानसँग सवारीचालक अनुमतिपत्र छैन । सवारीचालक अनुमतिपत्र नहुँदा पनि सरकारी गाडी चलाएका थिए ।
बिचार/ब्लग
![](https://i0.wp.com/www.republicadainik.com/wp-content/uploads/2024/07/Sherbahadur-Deuba-1-1.jpg?resize=200%2C200)
सभापति देउवाले विश्वासको मत दिँदा दिएको अभिव्यक्ति
शेरबहादुर देउवा, सभापति एवं नेता संसदीय दल, नेपाली कांग्रेस![](https://i0.wp.com/www.republicadainik.com/wp-content/uploads/2024/07/Sudarshan-Thapaliya.jpg?resize=200%2C200)
फेसबुकबाट तपाईको प्रतिक्रिया