प्रहरीद्वारा दुई जनालाई अपहरणमुक्त, अभियुक्तहरू पक्राउ
![](https://i0.wp.com/www.republicadainik.com/wp-content/uploads/2023/12/Apharankari.jpg?resize=810%2C457)
काठमाडौं । प्रहरीले चितवनका दुई जनालाई अपहरणमुक्त गराएको छ ।
पुस ७ गते रौतहटको चन्द्रपुरका लागि हिँडेका चितवनका कृष्ण थापा र दीपेन्द्र महत अपहरणमा परेका थिए ।
थापाले अपहरणमा परेपछि श्रीमतीलाई फेसबुक मेसेन्जरमा फोन गरेर आफूहरू जानकारी गराएको प्रहरीले जनाएको छ ।
अपहरणकारीले ६ लाख फिरौती मागेको समेत उनले श्रीमतीलाई बताएका थिए । सूचना पाएपछि भारतको सीमावर्ती इलाकामा प्रहरी परिचालन गरिएको थियो ।
प्रहरीले सीमा क्षेत्रमा खटिएका भारतीय प्रहरीसँग समन्वयसमेत गरेको थियो । भारतीय प्रहरीले नै उनीहरूलाई अपहरणमुक्त गरेको थियो ।
भारतको सीतामढी डुमरा थानाबाट खटिएको टोलीले थापा र महतलाई सीतामढीबाट सकुशल उद्धार गरी नेपाल प्रहरीलाई बुझाएको जिल्ला प्रहरी कार्यालय रौतहटका प्रहरी उपरीक्षक महेन्द्रकुमार श्रेष्ठले बताए ।
दुवै जनाको स्वास्थ्य परीक्षणपछि परिवारको जिम्मा लगाइएको उनले बताए । अपहरणमा संलग्न ६ जनालाई भारतीय प्रहरीले पक्राउ गरेको छ ।
पक्राउ पर्नेमा मो. अकबर, मो. नइम, कौसर अली, मो. सदाव, मो. इरसाद र रामनरेश कुमार छन् ।
भारतको सीतामढी प्रहरीले अपहरण तथा शरीर बन्धक शीर्षकमा जाहेरी दरखास्त लिई थप अनुसन्धान अगाडि बढाएको नेपाल प्रहरीले जनाएको छ ।
बिचार/ब्लग
![](https://i0.wp.com/www.republicadainik.com/wp-content/uploads/2024/07/Sherbahadur-Deuba-1-1.jpg?resize=200%2C200)
सभापति देउवाले विश्वासको मत दिँदा दिएको अभिव्यक्ति
शेरबहादुर देउवा, सभापति एवं नेता संसदीय दल, नेपाली कांग्रेस![](https://i0.wp.com/www.republicadainik.com/wp-content/uploads/2024/07/Sudarshan-Thapaliya.jpg?resize=200%2C200)
फेसबुकबाट तपाईको प्रतिक्रिया