असईको हत्या गरेको अभियोग लागेका एमालेका सांसदलाई सफाइ, केहीलाई सजाय
![](https://i0.wp.com/www.republicadainik.com/wp-content/uploads/2023/01/Laxmi-Mahato-Koiri.jpg?resize=810%2C468)
काठमाडौं । नेकपा (एमाले)का निलम्बित सांसद लक्ष्मी महतो कोइरीलाई जिल्ला अदालत महोत्तरीले कर्तव्य ज्यानसम्बन्धी मुद्दाबाट सफाइ दिएको छ ।
एमालेका सांसद कोइरीले सशस्त्र प्रहरीका असई थमन बिकको हत्या अभियोग लागेको थियो । कोइरीसँगै अर्का अभियुक्त पवन कापरले पनि सफाइ पाएका छन् ।
सोमबार न्यायाधीश उद्ववप्रसाद भट्टराईको इजलासमा सोमबारदेखि सुनुवाइ भएको थियो ।
असई बिकको हत्या गरेको भन्दै सांसद कोइरीसहित २८ जनाविरुद्ध मुद्दा दर्ता भएको थियो । सुनुवाइपछि अदालतले कोइरीलार्ई हत्या अभियोगबाट सफाइ दिएको छ ।
२८ जनामध्ये आठजना अभियुक्तलाई भने कर्तव्य ज्यान मुद्दामा जन्मकैद भएको छ । आगो लगाएको मुद्दामा थप छ महिना कैद सजाय भएको छ ।
जन्मकैद सजाय हुनेहरूमा प्रदीप साह माझी, सञ्जय साह, मोहन ठाकुर, शंकर शाही, रामशंकर मिश्र, अबिराम शर्मा, सुरेश पाण्डे र धर्मेन्द्र राय छन् ।
जन्मकैद सजाय पाएका मिश्र जलेश्वर नगरपालिकाका पूर्वमेयर हुन् । अविराम शर्मा मधेश प्रदेश सरकारका पूर्व राज्यमन्त्री तथा मधेश प्रदेश सभा सदस्य हुन् ।
मधेश आन्दोलनका क्रममा २०७२ भदौ २५ गते असई बिकको एम्बुलेन्सबाट निकालेर धानबारीमा लगेर हत्या गरिएको थियो ।
प्रहरीको फरार सूचीमा रहेका कोइरी प्रतिनिधि सभासदस्य निर्वाचनमा एमालेको तर्फबाट महोत्तरी–१ बाट निर्वाचित भएका थिए ।
बिचार/ब्लग
![](https://i0.wp.com/www.republicadainik.com/wp-content/uploads/2024/07/Sherbahadur-Deuba-1-1.jpg?resize=200%2C200)
सभापति देउवाले विश्वासको मत दिँदा दिएको अभिव्यक्ति
शेरबहादुर देउवा, सभापति एवं नेता संसदीय दल, नेपाली कांग्रेस![](https://i0.wp.com/www.republicadainik.com/wp-content/uploads/2024/07/Sudarshan-Thapaliya.jpg?resize=200%2C200)
फेसबुकबाट तपाईको प्रतिक्रिया