घर र टहरा बनाउन तरुण दललाई दियो महासंघले निर्माणका औजारहरू
![](https://i0.wp.com/www.republicadainik.com/wp-content/uploads/2023/12/Rabi-Singh-Bidwan-Gurung.jpg?resize=810%2C483)
काठमाडौं । नेपाल तरुण दललाई नेपाल निर्माण व्यवसायी महासंघले भूकम्प प्रभावित जिल्लामा घर/टहरा निर्माणका लागि आवश्यक पर्ने निर्माणका औजारहरू उपलब्ध गराएको छ ।
शुक्रबार काठमाडौंमा तरुण दलका अध्यक्ष विद्वान गुरुङलाई महासंघका अध्यक्ष रवि सिंहले निर्माणका औजारहरू हस्तान्तरण गरेका हुन् ।
घर/टहराहरू निर्माण गर्न जाने तरुणहरूका लागि आवश्यक पर्ने फलामको कराई, कोदालो र बिड, खन्ती, जावल, पिक वीड, करौती ठूलो, काँटी हम्बर, सावेल हेड मेटल हेन्डल, पिक, सेफ्टी हेलमेट नापे फिट लाईट, सेफ्टी ज्याकेट र गल तरुण दललाई महासंघले दिएको छ ।
सिंहले तरुण दललाई शुभकामना दिँदै जाजरकोट र रुकुम पश्चिमका भूकम्प प्रभावित जनताको घर/टहरा निर्माणमा महासंघले उपलब्ध गराएका निर्माणका औजारहरूले सहयोगी भूमिका खेल्ने अपेक्षा लिएको बताएका छन् ।
तरुण अध्यक्ष गुरुङले निर्माण व्यवसायी महासंघ र अध्यक्ष सिंहद्वारा तरुणहरूको अभियानमा साथ र सहयोग गरिएकोमा धन्यावाद दिएका छन् ।
यसबीच, महासंघले आफ्नो १६औँ स्थापना दिवस २०८० को उपलक्ष्यमा काठमाडौंमा शुक्रबार बिहान बृहत् रक्तदान कार्यक्रमको आयोजना गरेको छ ।
तरुण दलका अध्यक्ष गुरुङलाई भूकम्प प्रभावित जनताको सहयोगका लागि महासंघका अध्यक्ष सिंहले व्यक्तिगत तर्फबाट नगद एक लाख रुपियाँ दिने घोषणा पनि गरेका छन् ।
![](https://i0.wp.com/www.republicadainik.com/wp-content/uploads/2023/12/18823100-d7d3-4b5b-8fb6-bf6c59355770-1024x768.jpeg?resize=1024%2C768&ssl=1)
बिचार/ब्लग
![](https://i0.wp.com/www.republicadainik.com/wp-content/uploads/2024/07/Sherbahadur-Deuba-1-1.jpg?resize=200%2C200)
सभापति देउवाले विश्वासको मत दिँदा दिएको अभिव्यक्ति
शेरबहादुर देउवा, सभापति एवं नेता संसदीय दल, नेपाली कांग्रेस![](https://i0.wp.com/www.republicadainik.com/wp-content/uploads/2024/07/Sudarshan-Thapaliya.jpg?resize=200%2C200)
फेसबुकबाट तपाईको प्रतिक्रिया