ललितपुर र काठमाडौंबाट जुवा खेल्ने १४ जना नगदसहित पक्राउ

काठमाडौं । प्रहरीले काठमाडौं र ललितपुरबाट जुवातास खेल्दै गरेको अवस्थामा १४ जनालाई पक्राउ गरेको छ ।

ललितपुर महानगरपालिका–३ झम्सिखेलस्थित सुस्मा नेपालको मुगल होटेलमा कौडा खेलिरहेको अवस्थामा धापाखेल बस्ने महांकाल गाउँपालिका–४ घर भएका ३४ वर्षीय रमेश तिमल्सिना समेत ११ जनालाई बुधबार राति प्रहरीले पक्राउ गरेको विज्ञप्तिमार्फत जनाएको छ ।

जिल्ला प्रहरी परिसर जावलाखेलबाट खटिएको प्रहरीले उनीहरूलाई नगद ४ लाख ९९ हजार ५ सय रूपियाँ र १६ थान कौडासहित पक्राउ गरेको हो ।

यता, काठमाडौंको चन्द्रागिरी नगरपालिका–२ नागढुङगास्थित टहरामा जुवातास खेलिरहेको अवस्थामा सोही नगरपालिका–२ बस्ने ३९ वर्षीय संजीव बस्नेत सहित ३ जनालाई बुधबार राति प्रहरीले पक्राउ गरेको छ ।

प्रहरी प्रभाग नागढुङ्गाबाट खटिएको प्रहरीले उनीहरूलाई नगद १५ हजार रूपियाँ र १ बुक ताससहित पक्राउ गरेको हो ।

Published : Thursday, 2023 December 7, 2:36 pm