मुस्लिम आयोगद्वारा लोक सेवाको निःशुल्क कक्षा सञ्चालन

काठमाडौं । मुस्लिम आयोगले लोक सेवा आयोगका तयारी कक्षा निःशुल्क रुपमा सञ्चालन गर्ने भएको छ ।

मुस्लिम समुदायका प्रशिक्षार्थीहरूका लागि शाखा अधिकृत तहको प्रथम पत्रको निःशुल्क तयारी कक्षा सञ्चालन गर्न लागिएको आयोगका अध्यक्ष समिम मियाँ अन्सारीले बताए ।

तयारी कक्षाका लागि आयोगले ५० जना तोकेको छ । त्यसका लागि न्यूनतम स्नातक तह उत्तीर्णले आयोगको कार्यालय जावलाखेलमा आवेदन दिन सक्नेछन् ।

तयारी कक्षा काठमाडौंमा सञ्चालन हुने आयोगले जनाएको छ ।

तयारी कक्षका लागि नेपाली नागरिकताको प्रमाणपत्र र शैक्षिक योग्यताको फाटोकपी, हालसालै खिचेको पासपोर्ट साइजको फोटो एक थान हुनुपर्नेछ ।

आवेदन गर्ने अन्तिम मंसिर २४ गते मंगलबारसम्मका लागि तोकिएको छ । आयोगले यसअघि पनि तयारी कक्षाहरू निःशुल्क रुपमा सञ्चालन गरेको थियो ।