काठमाडौं । नेपाली कांग्रेसका युवा नेता एवम् पूर्वसांसद रामहरि खतिवडाले जापानमा रोजगारीको अवसर दिइनेबारेमा सम्झौता भएकोमा खुसी व्यक्त गर्दै मलेसियामा जस्तो ‘काण्ड’ नगर्न सुझाव दिएका छन् ।

मलेसियामा रोजगारीमा पठाउन श्रममन्त्री गोकर्ण विष्टले जापानमा रोजगारीमा पठाउँदा आफ्नालाई मात्रै अवसर दिए जस्तो नगर्न आग्रह गरेका छन् । कांग्रेसका युवा नेता खतिवडाले मन्त्री विष्टको नियतमाथि प्रश्न उठाएका छन् ।

‘जापानमा रोजगारको अवसरबारे सरकारले सम्झौता गरेकोमा खुसी लाग्यो’, बुधबार बिहान ट्वीट गर्दै कांग्रेस नेता खतिवडाले भनेका छन्, ‘स्व.कृष्णप्रसाद भट्टराई (२०५६ मा) प्रधानमन्त्री हुँदा शुरु भएको यो कार्यअहिले सम्पन्न भयो । खुशी लागेको छ ।’

‘तर श्रममन्त्रीले मलेसियामा जस्तै आफ्ना सहयोगीले मात्रै काम नपाई अरुलाई रोक्ने काम नहोस्’, उनले भनेका छन्, ‘प्रचार मात्रै होइन काम होस् ।’

जापानमा रोजगारको अबसर बारे सरकारले सम्झौता गरेकोमा खुशी लाग्यो ।स्व. कृष्ण प्र.भट्टराई (२०५६मा) प्र म हुँदा सुरुभएको यो कार्यअहिले सम्पन्न भयो, खुशी लागो।
तर श्रममन्त्रीले मलेसियामा जस्तै आफ्ना सहयोगिले मात्रै काम नपाई अरुलाई रोक्ने काम नहोस् ।प्रचार मात्रै होइन काम होस !

— Ramhari Khatiwada (@RamhariKhatiwa) March 26, 2019

नेपाल सरकार र जापान सरकारबीच नेपाली युवाहरू रोजगारीमा लैजाने सहमति भएको छ । यो सहमतिलाई कांग्रेस नेता खतिवडाले सर्तकर्तापूर्व प्रतिक्रिया दिएका छन् । उनको यो टिप्पणीले कम्युनिस्ट सरकारलाई केही असजिलो हुनेछ ।

नेपाली कांग्रेसकै सरकारले ०५६ सालमा जापानसँग रोजगारी खुलाउने प्रयास गरेको थियो । तत्कालीन प्रधानमन्त्री कृष्णप्रसाद भट्टराईले गरेको प्रयास ढिलै भएपनि कार्यान्वयनमा गएकोमा कांग्रेसले खुसी व्यक्त गरेको छ ।

हुन त कम्युनिस्ट सरकारका श्रममन्त्री विष्टले मलेसियामा रोजगारी बन्द गरेको छ । विष्टले आफू निकटका व्यवसायीलाई रोजगारीमा पठाउन जिम्मेवारी दिन आलटाल गरेको तथा विभिन्न चलखेल गरेको आरोप छ ।