मलेसियामा दुई नेपाली कामदारको मृत्यु
काठमाडौं । मलेसियाको बातु पहाडमा रहेको सिन कावाङ प्लाष्टिक कम्पनीमा कार्यरत दुई नेपाली कामदारको मृत्यु भएको छ ।
मृत्यु हुनेमा रौतहटका सन्तोष यादव र ठेगाना नखुलेका चुरा दर्लामी मगर रहेका छन ।
उनीहरूको बिहीबार बिहान रासायनिक ट्यांकी सफा गर्ने क्रममा मृत्यु भएको थियो ।
उनीहरूको रसायनको गन्धले बेहोस भएका यादव ट्यांकीभित्र खसेका थिए । यादवलाई उद्धार गर्ने क्रममा मगर पनि बेहोस भएका थिए ।
रसायनको अत्याधिक असरका कारण श्वासप्रवास बन्द भएर उनीहरूको मृत्यु भएको कम्पनीमा कार्यरत हीरालाल तामाङले जानकारी दिएका छन ।
कामदारको सुरक्षा हुनुपर्ने, मृत्यु भएकाको परिवारलाई क्षतिपूर्ति दिनुपर्ने लगायतका माग राखेर कामदारहरूले कम्पनीमा हडताल समेत गरेका छन् ।
Published : Friday, 2018 December 28, 1:12 pm
फेसबुकबाट तपाईको प्रतिक्रिया
बिचार/ब्लग
कहाँ पुग्यो जेनजी आन्दोलन ?
युवराज संग्रौला
यसमा तपाइको मत