काठमाडौं । नेपाली कांग्रेस सदस्यता व्यवस्थापन केन्द्रीय समितिले नयाँ क्रियाशील सदस्यता वितरणका लागि ७७ वटै जिल्लामा केन्द्रीय प्रतिनिधिहरू तोकेर खटाको छ ।

बुधबार कांग्रेस केन्द्रीय कार्यालय, सानेपाबाट जारी प्रेस विज्ञप्तिअनुसार पार्टीको १५औँ महाधिवेशनका लागि सञ्चालन गरिएको क्रियाशील सदस्यता वितरण अभियान अन्तर्गत नयाँ क्रियाशील सदस्यता वितरण कार्यलाई प्रभावकारी र व्यवस्थित बनाउन ७७ वटै जिल्लाका लागि केन्द्रीय प्रतिनिधि तोकिएको छ ।

नयाँ क्रियाशील सदस्यता वितरण प्रक्रियामा विशेषगरी ३५ वर्षमुनिका युवाहरूको अधिकतम प्रतिनिधित्व सुनिश्चित गर्ने उद्देश्यसहित प्रतिनिधि खटाइएको विज्ञप्तिमा उल्लेख छ । तोकिएका केन्द्रीय प्रतिनिधिहरूले २०८३ साल असार ७ गतेदेखि असार २० गतेसम्म सम्बन्धित जिल्लामा उपस्थित भई समन्वय, सहजीकरण तथा जिम्मेवारी निर्वाह गर्नेछन् ।

अछाममा जगतप्रसाद जोशी, बझाङमा विजयबहादुर स्वार, बाजुरामा गणेशराज भट्ट, डोटीमा हिमबहादुर रावल, डडेलधुरामा सम्झना खत्री, दार्चुलामा सन्तोषी साउँद ऐरी, बैतडीमा सुशीला मिश्र भट्ट, कञ्चनपुरमा दिलेन्द्रप्रसाद बडू, कैलालीमा मधु आचार्य केन्द्रीय प्रतिनिधिका रुपमा खटाइएका छन् ।

हुम्लामा सूर्यबहादुर वि.क., जुम्लामा तपेन खडका, मुगुमा युबराज पाण्डे, कालीकोटमा कमलराज रेग्मी, डोल्पामा बलदेव तिमिल्सिना, दैलेखमा तीर्थजंग शाही, सुर्खेतमा लेखनाथ पोख्रेल, सल्यानमा केशवराज आचार्य, रुकुम पश्चिममा नारायण कोइराला, जाजरकोटमा छाया सुनारलाई केन्द्रीय प्रतिनिधिका रुपमा खटाइएको विज्ञप्तिमा उल्लेख छ ।

रुकुम पूर्वमा भीम श्रीष, रोल्पामा किरणकिशोर घिमिरे, प्यूठानमा टेकराज पौडेल, दाङमा राधेश्याम पाठक, बाँकेमा महेन्द्र शर्मा, बर्दियामा सुरेन्द्रप्रसाद चौधरी, अर्घाखाँचीमा राजेन्द्रगोपाल सिंह, गुल्मीमा हरि आचार्य, पाल्पामा मुना भुसाल, रुपन्देहीमा नारायणप्रसाद भट्टराई, कपिलवस्तुमा प्रदीपराज शर्मा, नवलपरासीमा केशवप्रसाद निरौलालाई केन्द्रीय प्रतिनिधिका रुपमा खटाइएको छ ।

गोरखामा तिलक रानाभाट, लमजुङमा कृष्णबहादुर के.सी., तनहुँमा कुशुमदेवी थापा मगर, मनाङमा मनकुमारी गुरुङ, मुस्ताङमा जगदीश उपाध्याय, म्याग्दीमा छन्दबहादुर पहराई, बाग्लुङमा जीतनारायण श्रेष्ठ, पर्वतमा रेशमबहादुर बानियाँ, कास्कीमा विष्णुदेवी पाण्डे, स्याङजामा दीपक भट्टराई, नवलपुरमा गोपाल दहितलाई केन्द्रीय प्रतिनिधिका रुपमा खटाइएको कांग्रेसले जनाएको छ ।

दोलखामा ओम घर्ती मगर, रामेछापमा सीता मिजार, सिन्धुलीमा डा.मुकेश काफ्ले, काभ्रेमा शिव सुनार, सिन्धुपाल्चोकमा इच्छ राना, काठमाडौंमा उदयशम्शेर राणा, ललितपुरमा मनोजमणि आचार्य, भक्तपुरमा राजेन्द्रकुमार के.सी., रसुवामा ईश्वर अधिकारी, नुवाकोटमा वंशलाल तामाङ, धादिङमा सुशील भट्ट, चितवनमा डा. केदार नरसिंह के.सी., मकवनपुरमा बद्रीप्रसाद अर्याललाई केन्द्रीय प्रतिनिधिका रुपमा खटाइएको कांग्रेसले जनाएको छ ।

सप्तरीमा रामपल्टन साह, सिरहामा रामकुमार यादव, धनुषामा सुबासकुमार पोख्रेल, महोत्तरीमा शम्भुलाल श्रेष्ठ, सर्लाहीमा अनिलकुमार झा, रौतहटमा प्रमोदहरि गुरागाई, बारामा मथुराप्रसाद घिमिरे, पर्सामा उज्वलप्रसाद बराललाई केन्द्रीय प्रतिनिधिका रुपमा खटाइएको छ ।

ताप्लेजङमा हिमालय कर्माचार्य, पाँचथरमा उमा शिवाकोटी, ईलाममा यदु विष्ट, झापामा राजीव कोइराला, मोरङमा सुधीरकुमार शिवाकोटी, सुनसरीमा कुमार लुइटेल, धनकुटामा नगेन्द्र कुमाल, उदयपुरमा दिनेशकुमार यादब, भोजपुरमा दिपनकुमार श्रेष्ठ, तेह्रथुममा मेदिनीप्रसाद सिटौला, संखुवासभामा रूद्र कन्दङ्वा, सोलुखुम्बुमा लक्ष्मी परियार, खोटाङमा दीपक अधिकारी र ओखलढुङ्गामाआङ्गेलु शेर्पालाई नयाँ क्रियाशील सदस्यता वितरणका लागि कांग्रेसले केन्द्रीय प्रतिनिधिका रुपमा खटाएको छ ।

प्रेस विज्ञप्ति

नेपाली कांग्रेस सदस्यता व्यवस्थापन केन्द्रीय समितिको निर्णय अनुसार पार्टीको १५ औँ महाधिवेशनका लागि सञ्चालन गरिएको क्रियाशील सदस्यता वितरण अभियान अन्तर्गत नयाँ क्रियाशील सदस्यता वितरण कार्यलाई प्रभावकारी र व्यवस्थित बनाउन ७७ वटै जिल्लाका लागि देहाय बमोजिम केन्द्रीय प्रतिनिधि तोकिएको छ।

नयाँ क्रियाशील सदस्यता वितरण प्रक्रियामा विशेषगरी ३५ वर्षमुनिका युवाहरूको अधिकतम प्रतिनिधित्व सुनिश्चित गर्ने उद्देश्यका साथ तोकिएका केन्द्रीय प्रतिनिधिहरूले २०८३ साल असार ७ गतेदेखि असार २० गतेसम्म सम्बन्धित जिल्लामा उपस्थित भई समन्वय, सहजीकरण तथा जिम्मेवारी निर्वाह गर्नुहुनेछ।

जय नेपाल !