काठमाडौं । अख्तियार दुरुपयोग अनुसन्धान आयोगले प्रहरी वृत्त, मालीगाउँ, काठमाडौंमा कार्यरत ३५ वर्षीय प्रहरी नायव निरीक्षक (सई) दिनेश राउतलाई २० हजार घुस/रिसवतको रकमसहित नियन्त्रणमा लिएको छ ।

सेवाग्राहीसँग घुस/रिसवतको रकम लिँदै गरेको अवस्थामा मंगलबार अख्तियारको टोलीले प्रहरी नायव निरीक्षक राउतलाई पक्राउ गरेको प्रेस विज्ञप्तिमा उल्लेख छ । सई राउतले घुस/रिसवतको रकम लिएको अवस्थामा गहनापोखरीस्थित ग्रिन स्टार क्याफेको कोठाबाट मंगलबार अपरान्ह ४ बजेर ५५ मिटनमा रकमसहित नियन्त्रणमा लिइएको अख्तियारले जनाएको छ ।

राउतले बैंकिङ कसूरसम्बन्धी मुद्दामा जाहेरवालाको रकम फिर्ता दिलाइदिन सहजीकरण गरिदिएवापत र मुद्दा मिलापत्र गर्ने प्रयोजनका लागि सेवाग्राहीसँग घुस/रिसवत माग गरेर दुःख दिएका थिए ।

सई राउतले सेवाग्राहीसँग घुस/रिसवत माग गरेर दुःख दिएको निवेदन परेपछि अख्तियारले विशेष टोली खटाएर घुस÷रिसवतको रकम २० हजारसति पक्राउ गरेको छ ।