अख्तियारद्वारा भक्तपुरबाट मालपोत अधिकृत र कार्यालय सहयोगीलाई २४ लाखसहित गिरफ्ता

काठमाडौं । अख्तियार दुरुपयोग अनुसन्धान आयोगले मालपोत कार्यालय, भक्तपुरका कर्मचारीलाई घुस, रिसवतको रकमसहित रंगेहात पक्राउ गरेको छ ।

मंगलबार अख्तियारको टोलीले प्रमुख मालपोत अधिकृत कुमार आचार्य र कार्यालय सहयोगी टीकाराम राउतलाई रंगेहात पक्राउ गरेको विज्ञप्तिमा उल्लेख छ ।

मोही तल्सिङको मुद्दा मिलाउने भन्दै उनीहरूले सेवाग्रहीबाट साढे २४ लाख घुस लिँदै गरेको अवस्थामा अख्तियारको टोलीले नियन्त्रणमा लिएको हो ।

भक्तपुरको चाँगुनारायण नगरपालिकामा रहेको १४ रोपनी ४ आना जग्गा मोही र तलसिङको लगत कट्टा गरी सो जग्गा मोहीको नाममा जग्गा धनी पूर्जा बनाउने प्रायोजनका लागि उनीहरूले घुस लिएको अख्तियारले जनाएको छ ।

उनीहरूको साथमा रहेको २ थान मोबाइल पनि जफत गरिएको अख्तियार जानकारी दिएको छ ।

Published : Tuesday, 2025 July 15, 10:37 pm