काठमाडौं । नेकपा विभाजन भएको तीन दिनपछि प्रधानमन्त्री खड्गप्रसाद ओलीले मन्त्रिपरिषद् विस्तार गरेका छन् ।

ओलीले केही मन्त्रीहरूको जिम्मेवारी हेरफेर गरेका छन् । प्रधानमन्त्री ओलीले नयाँ मन्त्रीहरूको जिम्मेवारीसमेत तोकेका हुन् ।

टोपबहादुर रायमाझीलाई ऊर्जा मन्त्रालयको जिम्मेवारी दिइएको छ । मणि थापा खानेपानी खानेपानी मन्त्री भएका छन् ।

प्रभु साहलाई सहरी विकास मन्त्रालयको जिम्मेवारीमा लगिएको छ । प्रेम आलेलाई वन मन्त्रालयको जिम्मेवारी दिइएको छ ।

गणेश ठगुन्नालाई सामान्य प्रशासन मन्त्री बनाइएको छ । गौरीशंकर चौधरी श्रममन्त्री भएका छन् । दावा लामालाई युवा तथा खेलकुद मन्त्रालयको जिम्मेवारी दिइएको छ ।

जुलीकुमारी महतोलाई महिला बालबालिका मन्त्री बनाइएको छ । विमला विश्वकर्मा उद्योग राज्यमन्त्री भएकी छन् ।

मन्त्रीपदमा नियुक्त भएकाहरूले शुक्रबार साँझ राष्ट्रपतिबाट सपथ लिएका छन् । केही मन्त्रीहरूको जिम्मेवारी समेत हेरफेर भएका छन् ।

स्वास्थ्यको जिम्मेवारीमा रहेका भानुभक्त ढकाल पर्यटन मन्त्री भएका छन् । हृदयेश त्रिपाठीलाई स्वास्थ्यमन्त्री बनाइएको छ ।

कानूनमन्त्री रहेकी डा.शिवमाया तुम्बाहाङ्फेलाई भूमिसुधार मन्त्रालयको जिम्मेवारी दिइएको छ ।

पदमा अर्याललाई कृषि मन्त्रालयको जिम्मेवारी तोकिएको छ । लीलानाथ श्रेष्ठलाई कानून मन्त्रालयको जिम्मेवारी दिइएको छ ।