लगनखेल । राष्ट्रपति विद्यादेवी भण्डारीले संसद भवन नयाँ बानेश्वरमा कम्युनिस्ट सरकारको नीति तथा कार्यक्रम प्रस्तुत गरिरहेका बेला ललितपुरमा नेपाली सेनाले बम डिस्पोजल गरेको छ ।

लकडाउनका बेला ललितपुर जिल्लाको लगनखेल ग्राउण्ड नजिक रहेको अक्सब्रिज कलेजको गेट नजिकै झालामा राखिएको अबस्थामा शुक्रबार बम फेला परेको थियो । करीव चार बजेतिर बम देखिएछि सेनाको टोली आएर डिस्पोजल गरेको प्रत्यक्षदर्शीले बताएका छन् ।

नेपाली सेनाले बम रहेको स्थानको घरलाई खाली बनाएर बम डिस्पोजल गरेको थियो । बम भेटिएकाे स्थान नजिकै सेनाकाे ब्यारेक समेत रहेकाे छ ।

बम डिस्पोजल हुँदा ठूलो आवाज आएको थियो । आवाज सुनेर आसपासका सर्वसाधारण डराएका थिए ।

बम कसले किन राखेको हो खुल्न सकेको छैन । ललितपुर प्रहरीले बम कसले राखेको हो भनेर अनुसन्धान शुरु गरेको छ । बम रहेको झोलामा राष्ट्रिय झण्डा पनि फेला परेको स्रोतले जनाएको छ ।

बम राखिएको ठाउँमा सीसीटिभी क्यामरा रहेको छ । सो सीसीटिभीमा हेरेर अनुसन्धान शुरु भएको छ ।