लामो समयपछि कांग्रेसले गर्यो लोभलाग्ने कार्यक्रम, गाउँका कार्यकर्ताहरू मख्ख
सोलुखुम्बु । नेपाली कांग्रेस सोलुखुम्बुमा विभिन्न दल परित्याग गरेर पार्टी प्रवेश गरेका छन् ।
थुलुङदूधकोशी गाउँपालिकामा नेकपा लगायत अन्य पार्टी परित्याग गरी सयौँ स्थानीयहरू कांग्रेसमा प्रवेश गरेका हुन् ।
नेपाली कांग्रेसको थुलुङदूधकोशी गाउँपालिका कार्यसमितिले मुक्लीस्थित गाउँपालिका प्राङ्गणमा आयोजना गरेको सभामा उनीहरू कांग्रेसमा प्रबेश गरेको कांग्रेसले जनाएको छ ।
नवप्रबेशीहरूलाई महामन्त्री डा.शशांङ्क कोइरालाले पार्टीमा स्वागत गरेका थिए ।
महामन्त्री डा.कोइरालाले कम्युनिस्ट सरकार र नेकपासँग नागरिकहरूको आशा र विश्वाश समाप्त भइसकेको बताए । उनले देशैभरि कांग्रेसप्रति आकर्षण बढी रहेको बताए ।
डा.कोइरालाले कम्युनिष्टहरूबाट देशको विकास असम्भब रहेकोले कांग्रेसलाई एकजुट बनाउँदै देश निर्माणमा जुट्नुपर्ने समय आएको बताए ।
डा. कोइरालाले नेपालमा कृषि, पर्यटन र जलबिद्युत् लगायतको अथाह सम्भावना हुँदाहुँदै राष्ट्र गरिब हुनु दुखद् भएको उनले बताए ।
महामन्त्री डा.कोइरालाले कृषिको व्यावसायिक विस्तार गरेर नागरिकहरूको जनजीविकाको उत्थान गर्न जरुरी रहेको बताए ।
कांग्रेस केन्द्रीय सदस्य बलबहादुर केसीले सोलुखुम्बुमा पछिल्लो समय विकास निर्माणका कामअघि बढ्न नसकेको बताए ।
नेता केसीले कांग्रेस पराजित हुँदा जिल्लाको विकासमा असर परेको उल्लेख गरे । पछिल्लो समय सोखलुखुम्बु जिल्लामा भ्रष्टाचार बढेकोमा समेत चिन्ता प्रकट गरेका छन् ।
कांग्रेसका केन्द्रीय सदस्य धनराज गुरुङले सरकारले जनतालाई आफ्नो क्षमताभन्दा बढी आशा देखाएकोमा असन्तुष्टि व्यक्त गर्दै ऋण काढेर रेल बनाउनु देशका लागि हितकर नभएको बताए ।
कांग्रेस केन्द्रीय सदस्य गगनकुमार थापाले कम्युनिस्ट सरकार बनेको दुई वर्ष बितिसक्दा पनि प्रधानमन्त्री खड्गप्रसाद ओलीले दाबी गरे अनुसार कुनै काम हुन नसकेको आरोप लगाए ।
नेता थापाले कम्युनिष्ट सरकारको कार्यकाल देशका लागि क्षतिपूर्ण हुने बताए ।
नेपाली कांग्रेस सोलुखुम्बुकका नेता एवम् नेपाल उद्योग बाणिज्य महासंघका कार्यकारिणी सदस्य प्रकाशसिंह कार्कीले नेपाली कांग्रेसको एकतामा जोड दिए ।
नेता कार्कीले नेपाली कांग्रेस एकजुट भए कसैले हराउन नसक्ने र देशको विकासले समेत गति लिने बताए ।
कार्कीले देशको अर्थतन्त्र सन्तोषजनक अवस्थामा नरहेको भन्दै सरकारको दाबी झुटो रहेको बताए ।
उत्पादनमुलक क्षेत्रमा लगानी बढ्न नसकेको उल्लेख गर्दै उनले सरकारले देशमा लगानीमैत्री वातावरण बनाउन नसकेको धारणा राखेका छन् ।
कार्कीले जलबिद्युत्, पर्यटन जस्ता सम्भावना बोकेका क्षेत्रमा लगानी बढाएर देशले लाभ लिनसक्नुपर्ने बताए ।
सोलुखुम्बु कांग्रेसका सभापति विनोद बस्नेतले सोलुखुम्बुमा बढी रहेको भ्रष्टाचारप्रति कांग्रेसले जनतालाई सचेत गराइरहेको बताए ।
बस्नेतले नेकपाले जितेका स्थानीय तहहरूमा भ्रष्टाचार र ज्यादति बढेको समेत आरोप लगाए ।
सोलुखुम्बुका नेताहरू धनजन राई, छत्रध्वज बस्नेत, नातीकाजी गुरुङ, हुत्तराज बस्नेत, खिलाराज बस्नेत, जीवन गुरुङ, शुभराम बस्नेत र नेविसंघ सोलुखुम्बुका अध्यक्ष आस्विन थापा लगायतले धारणा राखेका थिए ।
कार्यक्रम नेपाली कांग्रेस थुलुङदूधकोशी गाउँपालिका अध्यक्ष महेन्द्रदीप राईको सभापतित्वमा भएको थियो ।
फेसबुकबाट तपाईको प्रतिक्रिया