न्युयोर्क । कम्युनिष्ट प्रधानमन्त्री खड्गप्रसाद ओलीलाई अमेरिकामा फेरि कालो झण्डा देखाएर विरोध भएको छ ।

अमेरिकामा बसोबास गर्दै आएका नेपाली मधेसी मूलका अमेरिकनहरूले ओलीलाई कालो झण्डा देखाएका हुन् ।

संयुक्त राष्ट्रसंघको सभामा भाग लिन अमेरिका आइपुगेका ओलीलाई मधेसीहरूले कालो झण्डा देखाएको सतेनद्र साहले बताए ।

अमेरिकाको न्युयोर्कमा आयोजित नेपालीहरूसँगको भेटघाट कार्यक्रमलाई समेत मधेसीहरूले बहिष्कार गरेका छन् । कार्यक्रम बहिस्कार भएछि प्रधानमन्त्री ओलीले चिन्ता जनाएका थिए ।

मधेसी एसोसिएसन इन अमेरिका (मा)को नेतृत्वमा ओलीविरुद्ध कालो झण्डा र बहिष्कारको कार्यक्रम भएको थियो ।

‘मा’को अधिवेशनका बेला प्रदेश २ का मुख्यमन्त्री लालबाबु राउतलाई अमेरिका आउन रोकेको झोँकमा मधेसीहरूले न्युयोर्कमा ओलीको विरोध गरेको जनाएका छन् ।

कम्युनिस्ट प्रधानमन्त्री ओलीले अनुमति नदिएपछि प्रदेश २ का मुख्यमन्त्री लालबाबु राउतले जनकपुरबाट भिडियो कन्फरेन्समार्फत ‘मा’को अधिवेशनलाई सम्बोधन गरेका थिए ।