खतिवडाले कम्युनिस्टहरूको औकात देखाइदिए, ओलीको राष्ट्रवाद विदेशसामु लम्पसार
काठमाडौं । नेपाली कांग्रेसका युवा नेता एवम् पूर्वसांसद रामहरि खतिवडाले विदेशी शक्तिलाई खुसी बनाउन नेपालको पुरानो नक्सा राखेर पदक वितरण गरेको टिप्पणी गरेका छन् ।
कांग्रेस नेता खतिवडाले शनिबार ट्वीट गर्दै ओलीले सत्ता बचाउन नेपालको पुरानो नक्सा पदकमा राखेको बताए । ओली सत्ताका लागि विदेशीसामु लम्पसार र आत्मसमर्पण गरेको बताए ।
‘सूर्य चिन्ह अंकित तक्मा ! नेपालको नक्सा, जुन नक्सामा सबै पार्टीले सदनबाट पारित गरेको चुच्चे नक्सा छैन’, खतिवडाले भने, ‘किनकि नेपाल र नेपाली जनताभन्दा प्रधानमन्त्री ओलीज्यू विदेशी खुशी बनाउन तल्लीन हुनुहुन्छ ।’
कांग्रेस नेता खतिवडाले भने, ‘सत्तामा पुग्न राष्ट्रवादी, पुगेपछि विदेशीसंग लम्पसार र आत्मसमर्पण ।’
झण्डै दुईतिहाइको ओलीको कम्युनिस्ट सरकारले पदक तथा विभुषणहरू वितरण गरेको छ । पदकमा ओलीले नेपालको नयाँ नक्सा प्रयोग नगरेर पुरानै नक्सा राखेका छन् ।
लिपुलेक, कालापानी र लिम्पियाधुरा समेटिएको नेपालको नयाँ नक्सालाई प्रतिनिधि सभाले एकमतले पारित गरेर कार्यान्वयनमा ल्याएको थियो ।
ओलीको फुस्किदै गरेको प्रधानमन्त्रीको कर्सी बचाउन विदेशीलाई खसी बनाउन पुरानै नक्सा प्रयोग गरेको भनेर सामाजिक सञ्जालमा टिकाटिप्पणी भएको छ ।
ओलीको कथित राष्ट्रवादको मुखुण्डो नाङ्गिएको भनेर खतिवडाले टिप्पणी गरेका छन् ।
कांग्रेसका नेताहरूले सत्ताका लागि मात्रै जनता झुक्काउन कम्युनिस्टहरू राष्ट्रवादी हुने गरेको भनेर आरोप लगाउँदै आएका छन् ।
कांग्रेसको त्यही आरोपलाई पुष्टि हुने गरेर ओली सरकारले राष्ट्रपति विद्यादेवी भण्डारीबाट वितरण गरिएको पदकमा नेपालको नयाँ नक्सानै गायब बनाइएको छ ।
बिचार/ब्लग
कहाँ पुग्यो जेनजी आन्दोलन ?
युवराज संग्रौला
फेसबुकबाट तपाईको प्रतिक्रिया