फाइल सरकारी वकिलको कार्यालय पुग्यो, चितवनमा रविका समर्थककाे जनसागर
भरतपुर । शालिकराम पुडासैनी प्रकरणको विषयमा प्रहरीले अनुसन्धान सकेर सरकारी वकिलको कार्यालयमा दुरुत्साहनको मुद्दा पेस गरेको छ ।
प्रहरीको केन्द्रीय अनुसन्धान टोलीका उपरीक्षक दीपक रेग्मीले आइतबार पत्रकार सम्मेलन गरेर अनुसन्धान पूरा भएको जानकारी दिए । उनले पुडासैनी प्रकरणको दुरुत्साहन मुद्दा सरकारी वकिलको कार्यालयमा पेस गरेको जानकारी दिएका छन् ।
उपरीक्षक रेग्मीले अनुसन्धान सकाएर फाइल सरकारी वकिलको कार्यालयमा बुझाएको जानकारी दिएका छन् ।
रेग्मीले अब अगाडिको प्रकृयाको टुंगो लगाउनुपर्ने जिम्मा सरकारी वकिलको कार्यालयको हुने बताए ।
रवि लामिछाने, युवराज कँडेल र अस्मिता कार्कीलाई सरकारी वकिलको कार्यालयले अदालतमा पेस गर्नेछ ।
उता, रवि लामिछानेका समर्थकहरूले भरतपुर बजार भरिएकाे छ । स्वस्फुर्त रूपमा हजाराैँ सर्वसाधारणा भरतपुरमा जम्मा भएका छन् । उनीहरूले रवि लामिछानेकाे पक्षमा नारावाजी गरेका छन् ।
अनुसन्धान पूर्ण भइसकेको अवस्थामा जिल्ला सरकारी कार्यालयले फाइलको अध्ययन गरी को–कसलाई मुद्दा चलाउने वा नचलाउने भन्ने निर्णय गर्नसक्छ ।
सरकारी वकिललाई प्रहरीले गरेको अनुसन्धानमा थप केही प्रमाणहरू चाहिने वा अनुसन्धान गर्नुपर्ने लागेमा प्रहरीलाई थप अनुसन्धानका लागि फाइल फिर्ता पठाउन सक्छ ।
सरकारी वकिललाई प्रहरीले गरेको अनुसन्धान र प्रमाणका आधारमा आरोपीहरूलाई अभियोजन गर्न सकिँदैन भन्ने लागेमा मुद्दा नचालउने सिफारिस गर्न सक्छ ।
जिल्ला सरकारी कार्यालयले मुद्दा नचलाउने सिफारिस गरे त्यो फाइल उच्च सरकारी वकिलको कार्यालय हुँदै महान्यायाधिवक्ताले सदर गर्नुपर्ने हुन्छ । यस्तो अवस्था आएमा प्रहरीले आरोपीहरूलाई थुनामुक्त गर्नसक्छ ।
हिरासतमा लिएको व्यक्तिलाई अनुसन्धान गर्न प्रहरीले अदालतबाट म्याद थप गर्दै २५ दिनसम्म हिरासतमा राख्न पाउने कानूनी प्रवधान छ ।
चितवन प्रहरीले रवि लामिछाने लगायतलाई अनुसन्धान गर्न अदालतबाट दुई पटक गरेर १० दिनको समय लिएको थियो ।
मुद्दा दायर भएमा अदालतमा अभियुक्तलाई साधरण तारेख, धरौटी वा थुनामा राख्ने भन्ने विषयमा थुनछेक बहस हुने गर्दछ ।
प्रचलित कानूनअनुसार ज्यान दिन दुरुत्साहन मुद्दामा दोषी भएमा ५ वर्ष कैद र ५० हजार जरिवाना हुने व्यवस्था रहेको छ ।
फेसबुकबाट तपाईको प्रतिक्रिया