पूर्वमन्त्री खड्कालाई थुनामा राख्न अदालतबाट अनुमति

काठमाडौं । पूर्वमन्त्री दीपक खड्कालाई काठमाडौं जिल्ला अदालतले ७ दिन हिरासतमा राख्न अनुमति दिएको छ ।

अदालतका सूचना अधिकारी दीपक श्रेष्ठका अनुसार पूर्वमन्त्री खड्कालाई ७ दिन हिरासतमा राखेर अनुसन्धान गर्न अनुमति दिएको छ । खड्कालाई नेपाल प्रहरीको केन्द्रीय अनुसन्धान व्यूरो (सीआईबी)ले सम्पत्ति शुद्धीकरण मुद्दामा अनुसन्धानका लागि पक्राउ गरेको छ ।

नेपाली कांग्रेसका केन्द्रीय सदस्य समेत रहेका पूर्वमन्त्री खड्कालाई म्याद थप गर्न आइतबार साँझ काठमाडौं जिल्ला अदालतमा पेस गरिएको थियो ।

खड्कालाई आइतबार बिहान बुढानिलकण्ठस्थित निवासबाट प्रहरीले पक्राउ गरेको थियो । जेनजी आन्दोलनका क्रममा खड्काको घर जल्दा पैसा जलेको भिडियो सार्वजनिक भएको थियो । प्रहरीले खड्कालाई जरुरी पक्राउ पुर्जीका आधारमा पक्राउ गरेको थियो ।

Published : Sunday, 2026 March 29, 9:02 pm