जनकपुर । नेपाल तरुण दलले फागुन २१ को चुनाव र नेपाली कांग्रेसले जनकपुरमा गर्न लागेको आमसभा भव्य बनाउने निर्णय गरेको छ ।

सोमबार जनकपुरमा बसेको तरुण दलको बैठकले कांग्रेसका उम्मेदवारहरूलाई विजयी बनाउन प्रचार प्रसारमा विशेष जोड दिने निर्णय गरेको छ । तरुण दलका अध्यक्ष विद्वान गुरुङको उपस्थितिमा तरुण दलका केन्द्रीय सदस्यहरू र मधेस प्रदेशका जिल्ला अध्यक्षहरूको संयुक्त बैठकले फागुन ६ गते जनकपुरमा हुन लागेको कांग्रेसको आमसभालाई व्यवस्थित र भव्य बनाउने निर्णय गरिएको अध्यक्ष गुरुङले बताएका छन् ।

तरुण दलका अध्यक्ष गुरुङले फागुन ६ गते हुन लागेको कांग्रेसको आमसभालाई भव्य बनाउन निर्णय गरिएको बताए । उनले तरुणहरूलाई गाउँगाउँसम्म परिचालन गर्न मातहतलाई निर्देशन दिएका छन् ।

फागुन २१ गते हुन लागेको चुनावमा कांग्रेसका आधिकारिक उम्मेदवारहरूलाई जिताउन प्रदेशको सम्पूर्ण तहहरूलाई परिचालन गर्न उनले निर्देशन दिएका छन् । उनले सामाजिक सञ्जालमा पनि कांग्रेसविरुद्ध हुने गतिविधिलाई प्रतिवाद गर्न पनि तरुणहरूसँग आग्रह गरेका छन् ।