मसुरिया । नेपाल प्रहरीका प्रहरी महानिरीक्षक (आईजीपी) दानबहादुर कार्कीले लुम्बिनी प्रदेशका विभिन्न जिल्लाहरुको भ्रमण, निर्देशन, अवलोकका साथै विधि कार्यक्रमहरुमा सहभागी भएका छन् ।

मंगलबार भैरहवा विमानस्थल उत्रिएका आईजीपी कार्की रुपन्देही, कपिलवस्तु, दाङ, बाँके जिल्लामा विभिन्न कार्यक्रमहरुमा सहभागी भएका छन् । कार्की बुधबार काठमाडौं फर्किएका छन् । मधेस प्रदेशको कार्यक्रमहरुमा सहभागी हुन् आईजीपी कार्की बिहीबार जनकपुर जाने कार्यक्रम रहेको बुझिएको छ ।

लुम्बिनी प्रदेशका विभिन्न कार्यक्रमहरुमा सहभागी हुने क्रममा आईजीपी कार्कीले निर्वाचनमा केन्द्रित रहेर शान्ति सुरक्षा बनाउन, भयरहित र निष्पक्ष चुनावका लागि वातावरण बनाउन निर्देशन दिएका छन् ।

भदौ २३ र २४ को जेनजी आन्दोलनपछि मुलुकले ठूलो क्षति व्यहोरेको र खरानीबाट उठेको प्रहरीले उच्च मनोवलका साथ राष्ट्रका लागि एकपटक फेरि मनैदेखि काम गर्ने समय आएको बताएका छन् ।