गभर्नर नियुक्तिका विषयमा गृहमन्त्री लेखकले दिए जवाफ

पोखरा । गृहमन्त्री रमेश लेखकले एमाले र नेपाली कांग्रेसबीच सत्ता साझेदारीमा कुनै समस्या नभएको बताएका छन् ।

शनिबार पोखरामा पत्रकारहरूसँग कुरा गर्दै लेखकले सत्ता साझेदार दलबीच समस्या नभएकाले सरकार पनि नढल्ने बताए । लेखकले भने, ‘दुई पार्टीका बीचमा कुनै समस्या छैन ।’

उनले कतिपयले सरकार ढल्छ भनिदिँदा ढल्दैन भनेर प्रष्टीकरण दिनुपरिरहेको बताएका छन् । ‘साथीहरूले सरकार ढल्छ–ढल्छ भनिदिनुहुन्छ अनि ढल्दैन है भनेर हामीले भनिरहनु परेको छ । कुनै समस्या छैन’, उनले भने ।

गभर्नर नियुक्तिका विषयमा सोधिएको प्रश्नको जवाफमा गृहमन्त्री लेखकले सरकारले सही ठाउँमा सही मान्छे ल्याउन खोजेको बताएका छन् ।

केही समूहले सरकारको बद्नाम गर्ने गरी गभर्नर नियुक्तिमा विभिन्न खालका अड्कलबाजी र मिडियाबाजी गरिरहेका बेला गृहमन्त्री लेखकले उपयुक्त जवाफ दिएका छन् ।

Published : Saturday, 2025 April 19, 12:22 pm