ओखलढुङ्गाकी नवीनालाई अपराधको टोलीद्वारा सिनामंगलबाट पक्राउ
काठमाडौं । नेपाल प्रहरीको काठमाडौं उपत्यका अपराध अनुसन्धान कार्यालय, टेकुले न्युजिल्याण्ड पठाइदिन्छु भनी ठगी गर्ने २४ वर्षीया नवीना दाहाललाई पक्राउ गरेको छ ।
वैदेशिक रोजगारमा आकर्षक तलबको प्रलोभनमा पारी न्युजिल्याण्ड पठाइदिन्छु भन्दै रकम ठगी गरेको अभियोगमा ओखलढुङ्गाको सिद्धिचरण नगरपालिका–४ घर भई हाल भक्तपुरको मध्यपुर ठिमी बस्ने नवीनालाई सोमबार प्रहरीले पक्राउ गरेको विज्ञप्तिमार्फत जनाएको छ ।
नवीनाले न्युजिल्याण्ड पठाइदिन्छु भन्दै १ जना पीडितबाट १ लाख रूपियाँ लिई सम्पर्कबिहीन भएको अभियोग लागेको छ ।
पीडितको उजुरीको आधारमा प्रहरीले नवीनालाई काठमाडौंको सिनामंगलबाट पक्राउ गरेको छ ।
नवीनालाई आवश्यक अनुसन्धान तथा कारवाहीको लागि वैदेशिक रोजगार विभाग ताहाचल काठमाडौं पठाइएको छ ।
Published : Wednesday, 2024 November 20, 12:02 pm
बिचार/ब्लग
अपमानित हुँदै गर्दा पनि देउवाले कांग्रेसलाई राष्ट्रियसभामा ठूलो दल बनाए, आज बत्ती बालेर खोज्नु पर्ने भयो
क्रिसु क्षेत्री, लेखक/कुटनीतिज्ञ
फेसबुकबाट तपाईको प्रतिक्रिया