काठमाडौं । कपिलवस्तु नगरपालिकाका कर्मचारीहरू आन्दोलनमा उत्रिएका छन् ।

कर्मचारीहरूले शुक्रबार दिउँसोदेखि पेन डाउन गरेर विरोध प्रदर्शन गरेका छन् । उप–मेयर सुनिता गुप्ताका श्रीमान धिरज गुप्ता ‘संजयले प्रमुख प्रशाकीय अधिकृत सहितका कर्मचारीहरूलाई गाली गरेर दुर्व्यवहार गरेको भन्दै विरोधमा उत्रेका हुन् ।

नगरपालिकाको प्रमुख प्रशाकीय अधिकृत गणेशप्रसाद अर्यालको कार्यकक्षमा आगामी वर्षको नीति कार्यक्रम तथा बजेटका विषयमा छलफल चलीरहेका बेला उम–मेयर गुप्ताले आफ्ना श्रीमान् संजयलाई समितिमा राख्न आग्रह गरेकी थिइन् ।

वडाध्यक्षहरूले सञ्जयलाई बैठकमा राख्न नमिल्ने बताएका थिए ।

प्रमुख प्रशाकीय अधिकृत अर्यालले मेयर सुदीप पौडेलको भएकाले यसमा आफूले केही भन्न नमिल्ने बताएका थिए ।

संजयले प्रमुख प्रशासकीय अधिकृत अर्याललाई तथानाम गाली गरेका थिए । सञ्जय र मेयर सुदीपबीच पनि विवाद भएको थियो ।

प्रमुख प्रसाकीय अधिकृत अर्यालले कर्मचारीहरूलाई गालीगलौच र दुर्व्यवहार गरेको अभियोगमा सञ्जयविरुद्ध
प्रहरीमा उजुरी परेको छ ।