७८ यात्रु बोकेको बुद्ध एयरकाे जहाज रनवेमा दौडिएर फर्कियो

काठमाडौं । ७८ यात्रु खचाखच बोकेर भैरहवा उड्न लागेको बुद्ध एयरको जहाज रनवेबाट फिर्ता भएको छ ।

त्रिभुवन अन्तर्राष्ट्रिय विमानस्थलबाट भैरहवा उडानका लागि तयार रहेको बुद्ध एयरको जहाज टेकअप लिन नसकेपछि सोमबार रनवेबाट फर्किएको हो ।

काठमाडौंबाट भैरहवाको लागि उड्न लागेको उडान नम्बर यू ८४५ को जहाजले टेकअफ हुन नसकेपछि रनवेबाटै पार्किङमा फर्किएको विमानस्थल कार्यालयका प्रवक्ता टेकनाथ सिटौलाले बताएका छन् ।

बुद्ध एयरको जहाजमा इन्डिकेटरमा समस्या आएको थियो । सोमबार २:४५ बजेको उडान तालिका रहेको बुद्धको जहाजमा चालक दलका सदस्यसहित ७८ यात्रु सवार थिए ।

बुद्धको जहाज रनवेमा केही बेर दौडिसकेको थियो । अचानक इण्डिकेसन समस्या देखिएपछि जहाजले टेकअफ नै रद्द गरेको थियो । बुद्ध एयरको जहाजमा बेलाबेला समस्या आउने गरेका छन् ।

Published : Monday, 2023 March 27, 10:22 pm