देउवा–दाहालबीच भेटवार्ता, एमालेको टाउको दुःख थाल्यो

काठमाडौं । नेपाली कांग्रेसका सभापति समेत रहेका प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहाल ‘प्रचण्ड’बीच भेटवार्ता भएको छ ।

शनिबार बालुवाटारमा देउवा र दाहालबीच समसामयिक राजनीतिक विषयमा परामर्श भएको बुझिएको छ ।

प्रतिनिधि सभा र प्रदेश सभाको अन्तिम मतपरिणाम सर्वाजनिक हुने क्रममा रहेका बेला देउवा र दाहालबीच भएको भेटवार्तालाई महत्वका साथ हेरिएको छ ।

प्रतिनिधि सभातर्फ कांग्रेस पहिलो दलका रुपमा आएको छ । दोस्रोमा एमाले तथा तेस्रोमा माओवादी केन्द्रले स्थान बनाएको छ ।

भावी सरकारको नेतृत्व र प्रधानमन्त्रीका विषयमा के–कसरी लिने भनेर तयारी भइरहेका बेला देउवाले दाहालसँग परामर्श गरेका छन् ।

देउवा र दाहालको भेटवार्ता तथा परामर्शका विषय एमालेका अध्यक्ष खड्गप्रसाद ओलीलाई तनाबको विषय बनेको छ ।

Published : Saturday, 2022 November 26, 3:35 pm