काठमाडौं । माओवादी केन्द्रले सत्तारुढ गठबन्धनका दलहरूबीचको सिट बाँडफाँटको विषयमा मिडियामा आएको जस्तो सहमति नभएको जनाएको छ ।

बुधबार काठमाडौंको कोटेश्वरमा बसेको पदाधिकारीको बैठकले मिडियामा आएका समाचारहरूमा जस्तो सिटमा बाँडफाँट नभएको जनाएको हो ।

निर्वाचन क्षेत्र बाँडफाँटका बारेमा गठबन्धन दलहरूबीच सकारात्मक दिशामा छलफल भइरहेको माओवादीले जनाएको छ ।

माओवादीले केही अनलाइन मिडियामा आएको जस्तो हुबहु सिट बाँडफाँट नभएको जनाएको छ ।

माओवदीले सिट बाँडफाँटका विषयमा अनावश्यक रुपले भ्रमित बनाउन समाचारहरू आएको जनाएको छ ।

समानुपातिक प्रतिनिधित्व सूची पेस गरिसकेपछि आगामी असोज ४ गते गठबन्धनको बैठक सकेर क्षेत्रको बाँडफाँट टुंगो लगाउने समझदारी बनेको छ ।

यसैबीच, माओवादीले अनुशासन आयोगका अध्यक्ष कमरेड टङ्क राईको नेतृत्वमा स्थानीय तह निर्वाचनमा भएको अन्तर्घातबारे छानबिन गर्न बनेको समितिको प्रतिवेदनबारे प्रारम्भिक छलफल गरेको छ ।

माओवादीले समानुपातिकतर्फका उम्मेदवारहरूको बन्दसूची तयार गर्नका लागि पार्टी प्रदेशहरूले बिहीबारभित्र प्रतिनिधित्वको निर्धारित क्षेत्र छुट्याएर सर्ट लिस्ट पेस गर्न भनेको छ ।

समानुपातिकको तालिका तयार गर्दा अन्तरिम व्यवस्थापिका बाहेक अरु समयमा समानुपातिक सदस्य भएकालाई नदोहो¥याउने निर्णय माओवादीले गरेको छ ।

स्थानीय तहको निर्वाचनमा प्रतिस्पर्धा गरेकोलाई प्राथमिकता नदिने निर्णय पनि माओवादीले गरेको छ ।