विराटनगर । मोरङको विराटनगरस्थित ठूलदाइको होटल र दुधफारमबाट युरेनियम जस्तो देखिने पदार्थसहित १५ जनालाई प्रहरीले पक्राउ गरेको छ ।

उनीहरूमध्ये होटलबाट ८ जनालाई १ किलो ८७.३ ग्रामसहित आइतबार र दुधफारमबाट ७ जनालाई ९७८.६ ग्राम मंगलबार सो पदार्थसहित प्रहरीले पक्राउ गरेको विज्ञप्तिमार्फत जनाएको छ ।

होटलबाट पक्राउ पर्नेहरूमा मोरङ धनपालथान गाउँपालिका–७ बस्ने ४१ वर्षीय शिवशंकर पासवान, ४३ वर्षीय प्रदीप पुरी, ४४ वर्षीय लक्ष्मण शर्मा, सोही गाउँपालिका–४ बस्ने ३७ वर्षीय मुकेशकुमार साह, कटहरी गाउँपालिका–२ बस्ने ४० वर्षीय दिलिपकुमार शर्मा, विराटनगर महानगरपलिका–१२ बस्ने ४६ वर्षीय फटिककुमार कार्की, सोलुखुम्बुको माग्पे गाउँपालिका–७ बस्ने ३५ वर्षीय गोपाल मगर र खोटाङको हलेसी नगरपालिका–९ बस्ने ३२ वर्षीय किरन राई रहेका छन् ।

दुधफारमबाट पक्राउ पर्नेहरूमा गोरखाको गण्डकी गाउँपालिका–८ बस्ने ४५ वर्षीय जीवन गुरुङ, महोत्तरीको मङ्हा नगरपालिका–६ बस्ने ४२ वर्षीय अब्दुलगनी खान, बर्दिबास नगरपालिका–१२ बस्ने ३० वर्षीय चन्दनकुमार महतो, मोरङको ग्रामथान गाउँपालिका–३ बस्ने ५५ वर्षीय रविन्द्र गच्छेदार, मकवानपुरको बागमती गाउँपालिका–५ बस्ने ३६ वर्षीय दीपकबहादुर भ्लोन, मोहत्तरीको मनराषिशवा नगरपालिका–३ बस्ने ४९ वर्षीय उमेशप्रसाद यादव र सिन्धुलीको कमलामाई नगरपालिका–५ बस्ने २८ वर्षीय श्याम घिमिरे रहेका छन् ।

प्रहरीले सो विषयमा थप अनुसन्धान गरिरहेको जनाएको छ । प्रदेश नं. १ को प्रहरीको प्रमुखको जिम्मेवारी सम्हाल्नेवित्तिकै डीआईजी सुदीप गिरीको कमाण्डमा यति ठूलो सफलता प्राप्त भएको छ ।