काठमाडौं । नेपाली कांग्रेसका केन्द्रीय सदस्य एवम् पूर्वमन्त्री सुनिलबहादुर थापाले एमालेले वृद्ध भत्तामा देखाएको राजनीतिप्रति कडा टिप्पणी गरेका छन् ।

कांग्रेस नेता थापाले सामाजिक सञ्जालमार्फत एमालेलाई वृद्धि भत्तामा धेरै राजनीति नगर्न सुझाव दिएका हुन् ।

‘वृद्ध भत्ता एमालेको ब्राण्ड हो भने, एमाले पार्टी कार्यालयबाट बाँढे हुन्छ तर, राज्यको ढुकुटीबाट होइन’, कांग्रेस नेता थापाले भनेका छन् ।

एमालेका नेता र सांसदहरूले प्रतिनिधि सभाको बैठकमा बजेटमाथिको छलफलमा सहभागी हुने क्रममा ‘वृद्ध भत्ता एमालेको ब्राण्ड हो’ भनेका थिए ।

त्यसको जवाफमा कांग्रेस नेता थापाले वृद्ध भत्ताबारे एमालेको भनाइको प्रतिवाद्ध गर्दै राज्यको ढुकुटीबाट वितरण हुने वृद्ध भत्ताबारे जथाभावी नबोल्न चेतावनी दिएका हुन् । ब्रण्ड हो भने वृद्ध भत्ता आफ्नै पार्टी कार्यालयबाट वितरण गर्न सुझाव दिएका हुन् ।

राज्यको कोषबाट वितरण हुने वृत्त भत्तालाई आफ्नै पार्टी कार्यालयको सम्पत्ति सरह अभिव्यक्ति दिँदै आएको छ ।