काठमाडौं । कञ्चनपुर जिल्लाको वेदकोट नगरपालिका– १० दैजी घर भएका ४५ वर्षीय भानसिंह कडायत बेपत्ता भएका छन् ।

पोखराबाट कञ्चनपुरतर्फ जाँदै गरेका कडायत कपिलवस्तुबाट सम्पर्कविहीन भएको उनका छोरा रमेश कडायतले जनाएका छन् ।

माघ २१ गते शुक्रबार बिहान साढे ११ बजेदेखि कपिलवस्तुको जगदीशपुरबाट सम्पर्क विहीन भएको रमेशले बताएका छन् ।

प्रहरीमार्फत मोबाइल फोनको अन्तिम लोकेसन चेक गर्दा कपिलवस्तुको जगदीशपुर देखाएको छ ।

कडायतले म्याग्दीबाट पोखरा हुँदै कञ्चनपुर हिँड्ने बेला आफूसँग दुई हजार रुपियाँ मात्र रहेको जानकारी घरमा गराएका थिए ।

गाडीमा चढेको बेला सह–चालक वा कुनै यात्रुसँग झगडा परेर बाटोमै छाडेको हुन सक्ने परिवारको आशंका छ ।

अन्दाजी साढे ५ फिट उचाइँ भएका कडायतले रातो टिसर्ट, कालो पाइन्ट, खैरो रंगको जुत्ता, सेतो क्याप र कालो रंगको ज्याकेट लगाएका थिए ।

लगातार प्रहरी र आफन्तले खोजी गर्दा पनि उनी सम्पर्कमा आएका छैनन् ।

कडायतलाई फेला पार्ने व्यक्तिले नजिकको प्रहरी कार्यालय वा उनका छोरा रमेशको फोन नम्बर ९८६३४०२४०८, ९८६८७७५६०८ र ९७४५४५०५३५ मा सम्पर्क गरी सहयोग गरिदिन परिवारले अनुरोध गरेको छ ।