आफ्नै नेताले विप्लवको ‘नाक काटिदिए’, अर्काकी पत्नीसँग पक्राउ
अछाम । अछाम जिल्लामा नेत्रविक्रम चन्द ‘विप्लव’ नेतृत्वको नेकपाका जिल्लास्तरीय नेता महिलासँग अवैध क्रियाकलाप गरेको अवस्थामा रंगेहात पक्राउ परेका छन् ।
पञ्चदेवल विनायक नगरपालिका- ८ बारलामा नेकपा अछामका नेता पदम विक महिलासँग अनैतिक क्रियाकलाप गरिरहेको अवस्थामा पक्राउ परेका हुन् ।
स्थानीय एक विवाहित महिलासँग नियमित अवैध क्रियाकलाप गर्ने गरेको थाह पाएपछि महिलाका श्रीमान् र आफन्तले निगरानी गरिरहेका थिए ।
विक सधै जसो आइतबार बेलुका पनि ती महिलाको कोठामा प्रवेश गरेपछि आफन्तले रंगेहात पक्राउ गरेर प्रहरीलाई बुझाएको जनाइएको छ ।
अनैतिक क्रियाकलापमा संलग्न भएका उनलाई प्रहरी चौकीमा बुझाएपछि आफू विप्लव माओवादीको प्रभावशाली नेता भएको भन्दै विकले छाड्न दवाव दिएका थिए ।
विकले पक्राउ परेपछि आफूलाई नछाडे ठीक नहुने भन्दै धम्की समेत दिएको पीडित पक्षको भनाइ छ ।
विकले प्रतिकार गर्न तम्सेका थिए । विकलाई स्थानीयले पक्राउ गरेर तत्कालै प्रहरी चौकीमा पुर्याएको स्थानीयको भनाई छ ।
विप्लव नेतृत्वको माओवादीमा रहेका विकले आफूले गल्ती गरेको र यो झमेलाबाट मुक्त गर्न अनुरोध गरेका छन् ।
ती महिलासँग विकको विगत लामो समयदेखि हिमचिम हुँदै आएको स्थानीय र पीडित परिवारको आरोप छ ।
यसैबीच, महिलासँग रंगेहात पक्राउ परेका विकलाई विप्लव नेतृत्वको नेकपाले पार्टीबाट निष्कासित गरेको छ ।
विप्लव नेतृत्वको नेकपा अछामले विज्ञप्ति जारी गरेर विकलाई पार्टीको साधारण सदस्य समेत नरहने गरी निष्कासन गरेको जनाएको छ ।
पार्टीका जिल्ला सेक्रेटरी निरक शाही र इञ्चार्ज तपेन्द्र तिमिल्सिनाद्वारा हस्ताक्षरित विज्ञप्तिमा महिलासँग रंगेहात पक्राउ परेका विकलाई साधारण सदस्य समेत नरहने गरी निष्कासन गरिएको उल्लेख छ ।
फेसबुकबाट तपाईको प्रतिक्रिया