काभ्रे । नेपाली कांग्रेसका भातृ संगठन नेपाल विद्यार्थी संघ (नेविसंघ)ले काभ्रे, महोत्तरीसहितका जिल्लामा कम्युनिस्ट प्रधानमन्त्री केपी ओलीको पुत्ला जलाएको छ ।

प्रधानमन्त्री ओलीको तस्बिर बिगारेर फेसबुकमा सेयर गरेको आरोपमा पक्राउ परेका नेविसंघका कार्यकर्ता रिहाइको माग गर्दै सोमबार ओलीको पुत्ला दहन गरिएको हो ।

नेविसंघले काभ्रेले बनेपामा ओलीको पुत्ला दहन गरेको छ । बनेपाका दुई स्थानमा पुत्ला दहन गर्दै नेविसंघ कार्यकर्ताले प्रधानमन्त्री र सरकारविरुद्ध नाराबाजी गरेका थिए ।

नेविसंघ आव्हान गरेको हड्तालको कारण दोस्रो दिन पनि काभ्रेका शैक्षिक संस्था बन्द भएका छन् ।

प्रधानमन्त्रीको तस्बिर बिगारेर फेसबुकमा सेयर गरेको आरोपमा पक्राउ परेका नेविसंघ तपेश्वर मावि इकाइ अध्यक्ष कृष्ण ढकालको रिहाइको माग गर्दै जिल्ला समितिले आइतबार र सोमबार आव्हान गरेको हड्तालका कारण विद्यालयहरुमा पठनपाठन ठप्प भएको छ ।

नेविसंघले महोत्तरीमा पनि प्रधानमन्त्री ओलीको पुत्ला जएको छ । पुत्ला जलाउने क्रममा ओली र सरकारविरुद्ध चर्का नारावाजी भएको थियो ।