परामर्श गर्न सभापति देउवाले शीर्ष नेताहरूलाई पार्टी कार्यालयमा बोलाए

काठमाडौं । नेपाली कांग्रेसका सभापति शेरबहादुर देउवाले महासमिति लगायतका विषयमा परामर्श लिन केन्द्रीय कार्यसम्पादन समितिको बैठक बोलाएका छन् ।

सोमबार मुख्यसचिव कृष्णप्रसाद पौडेलले विज्ञप्ति जारी गरेर सभापति देउवाले कार्यसम्पादन समितिको बैठक आह्वान गरिएको बताएका छन् ।

बैठक मंसिर २९ गते शुक्रबार दिउँसो १२ बजेर १५ मिनटमा पार्टीको केन्द्रीय कार्यालय, वीपी स्मृति भवन, वीपीनगर, ललितपुरमा बस्नेछ ।

बैठकमा केन्द्रीय कार्यसम्पादन समितिका पदाधिकारी एवम् सदस्यहरूको उपस्थितिका लागि आग्रह गरिएको छ ।

मुख्यसचिव पौडेलका अनुसार महासमिति बैठक तयारी, जाजरकोट भूकम्प र समसामयिक राजनीतिक विषयमा छलफल हुनेछ ।

Published : Monday, 2023 December 11, 9:56 pm

फेसबुकबाट तपाईको प्रतिक्रिया