नेविसंघको कार्यसमिति विस्तार, क-कसकाे भाग्य खुल्याे ?
काठमाडौं । नेपाली कांग्रेसका सभापति शेरबहादुर देउवाले नेपाल विद्यार्थी संघ (नेविसंघ)को तदर्थ समितिलाई विस्तार गरेका छन् ।
सभापति देउवाले आइतबार नेता रामचन्द्र पौडेल र नेता कृष्णप्रसाद सिटौलाद्वारा दिइएको नामअनुसार नेविसंघ विस्तार गरेका हुन् ।
नेविसंघको उपसभापतिमा तुलसा पन्त (झापा), मुक्तिराज पौडेल (रुपन्देही) मनोनीत भएका छन् । तुलसा पन्त र मुक्तिराज पाैडेल नेता कृष्णप्रसाद सिटाैला समूहका हुन् ।
महामन्त्रीमा दीपक भट्टराई (तनहुँ), उर्मिला थपलिया (धादिङ्ग), प्रभातकुमार दाहाल (मकवानपुर), बलदेव तिमल्सिना (सिन्धुपाल्चोक), र युवराज पाण्डे (स्याङ्जा) नियुक्त गरिएको नेपाली कांग्रेसद्वारा जारी विज्ञप्तिमा उल्लेख छ ।
दीपक भट्टराइ नेता रामचन्द्र पाैडेल र उर्मिला थपिलया महामन्त्री डा.शशांक काेइरालाबाट महामन्त्री बनेका छन् । प्रभातकुमार दाहाल नेता प्रकाशमान सिंह समूहबाट महामन्त्री बनेका छन् ।
नेपाली कांग्रेस केन्द्रीय कार्यसमितिको फागुन १ गतेको बैठकको निर्णय अनुसार सभापति देउवाद्वारा माघ १६ गते गठित नेपाल विद्यार्थी संघ केन्द्रीय तदर्थ कार्यसमितिमा देहाय बमोजिमका पदाधिकारी थप गरी कार्यसमितिलाई विस्तार गरेका हुन् ।
नेपाल विद्यार्थी संघ तदर्थ कार्यसमितिका बाँकी पदाधिकारी र सदस्यहरूको मनोनयन यथाशीघ्र गरिनेछ ।
यसअघि, सभापति देउवाले नेविसंघको अध्यक्ष राजीव ढुंगाना तथा महामन्त्रीद्वयमा मनोज वैद्य र महेश्वरी कुँवर नियुक्त गरेका थिए । अध्यक्ष ढुंगानासहित दुई महामन्त्रीले आइतबार नेविसंघको मुख्यालयमा पदभार ग्रहण गरेका छन् ।
000
माघ १९, २०७६
प्रेस विज्ञप्ति
नेपाली कांग्रेस केन्द्रीय कार्यसमितिको २०७५ फाल्गुण १ गतेको बैठकको निर्णय अनुसार, पार्टी सभापति शेरबहादुर देउवाद्वारा २०७६ माघ १६ गते गठित “नेपाल विद्यार्थी संघ केन्द्रीय तदर्थ कार्यसमिति” मा देहाय बमोजिमका पदाधिकारी थप गरी कार्यसमितिलाई विस्तार गर्नु भएको छ ।
१. श्री तुलसा पन्त (झापा) – उपसभापति
२. श्री मुक्तिराज पौडेल (रुपन्देही) – उपसभापति
३. श्री दिपक भट्टराई (तनहुँ) –महामन्त्री
४. श्री उर्मिला थपलिया (धादिङ्ग) –महामन्त्री
५. श्री प्रभातकुमार दाहाल (मकवानपुर) –महामन्त्री
६. श्री बलदेव तिमल्सीना (सिन्धुपाल्चोक) –महामन्त्री
७. श्री युवराज पाण्डे (स्याङ्जा) –महामन्त्री
नेपाल विद्यार्थी संघ तदर्थ कार्यसमितिका बाँकी पदाधिकारी र सदस्यहरुको मनोनयन यथाशिघ्र गरिनेछ ।
कृष्णप्रसाद पौडेल
मुख्य सचिव
बिचार/ब्लग
कहाँ पुग्यो जेनजी आन्दोलन ?
युवराज संग्रौला
फेसबुकबाट तपाईको प्रतिक्रिया