काठमाडौं । बालश्रम शोषणको आरोपमा पक्राउ परेकी एमालेकी लुम्बिनी प्रदेश सांसद रेखाकुमारी शर्मालाई थुनामुक्त गर्न काठमाडौं जिल्ला अदालतले आदेश दिएको छ ।

शर्माविरुद्ध मुद्दा नचल्ने निर्णय भइसकेकाले थुनाबाहिरै राखेर अनुसन्धान गर्न अदालतले आदेशमा भनेको छ ।

आफ्नै घरमा काम गर्न राखिएकी बालिकालाई कुटपिट र यातना दिएको कसूरमा काठमाडौं महानगरपालिकाले शर्माविरुद्ध उजुरी दिएको थियो ।

काठमाडौं महानगरपालिकाको अनुगमनको क्रममा बालिकाले आफूमाथि हिंसा हुँदै आएको बताएकी थिइन् । सोही आधारमा उनको उद्धार गरी महानगरपालिकाले सांसद शर्माविरुद्ध प्रहरीमा जाहेरी दिएको थियो ।

तत्कालीन समयमा केपी शर्मा ओली नेतृत्वको सरकारले शर्माविरुद्ध मुद्दा नचल्ने निर्णय गरेको थियो । अहिले नयाँ सरकार बनेपछि नयाँ जाहेरी दर्ता गरेर अनुसन्धान अघि बढेको हो ।

एमाले सांसद शर्मालाई गत सोमबार प्रहरीले बालुवाटारस्थित घरबाट पक्राउ गरेको थियो ।