काठमाडौं । एमालेका नेताहरूले अन्तरिम सरकारकी प्रधानमन्त्री सुशीला कार्कीसँग भेट गरेका छन् ।

मंगलबार बालुवाटारस्थित सरकारी निवासमा एमालेका नेताहरूले कार्कीसँग भेट गरेका हुन् । कार्कीसँगको भेटका लागि एमालेका नेताहरू ईश्वर पोखरेल, प्रदीप ज्ञवाली र महेश बर्तौला गएका थिए ।

प्रधानमन्त्री कार्कीले निर्वाचन शान्तिपूर्ण रुपमा सम्पन्न गर्न सहयोग गरेको भन्दै एमालेका नेताहरूलाई धन्यवाद दिएकी छिन् ।

कार्कीले निर्वाचनमा जितहार भइरहने भएकाले एकपल्टको जनादेशबाट विचलित नहुन भन्दै एमाले नेतृत्वलाई सान्त्वना पनि दिएकी छिन् ।

एमाले नेताहरूले पनि सबै पक्षको चित्त बुझाउँदै शान्तिपूर्ण रुपमा निर्वाचन सम्पन्न गराएको भन्दै कार्की नेतृत्वको सरकारलाई धन्यवाद दिएका छन् ।

कार्की अबको एकहप्तापछि प्रधानमन्त्रीको कार्यकाल सक्किएर घर फर्किन लागेकी छिन् । नयाँ प्रधानमन्त्रीमा राष्ट्रिय स्वतन्त्र पार्टी (रास्वपा)का वरिष्ठ नेता बालेन्द्र शाह (बालेन) आउन लागेका छन् ।