भाटभटेनी सपरमार्केटका सञ्चालक गुरुङद्वारा प्रधानमन्त्री कार्कीसँग भेट

काठमाडौं । अन्तरिम सरकारकी प्रधानमन्त्री सुशीला कार्कीसँग भाटभटेनी सुपरमार्केटका सञ्चालक मीनबहादुर गुरुङले भेट गरेका छन् ।

मंगलबार बालुवाटारस्थित सरकारी निवासमा कार्कीसँग व्यवसायी गुरुङले भेट गरेका हुन् । पत्नी र परिवारका सदस्यसहित व्यवसायी गुरुङले प्रधानमन्त्री कार्कीसँग भेट गरेर व्यवसायिक विषयमा कुराकानी गरेका हुन् ।

भाटभटेनी सुपरमार्केटमा ५० हजारभन्दा धेरैलाई व्यवसायी गुरुङले रोजगारी दिएका छन् । राज्यलाई अर्बौ रुपियाँ कर बुझाउँदै आएका छन् ।

भाटभटेनी सुपरमार्केट आक्रमणको निशानामा पर्दै आएको छ । आक्रमण हुँदा समेत भाटभटेनी सुपरमार्केटलाई गुरुङले उठाउँदै आएका छन् ।

भदौ २३ र २४ को जेनजी आन्दोलनमा भाटभटेनी सुपरमार्केटमा चोरी, लुटपाट तथा आगजनी भएको थियो । धेरै शाखाहरूमा क्षति भए पनि व्यवसायी गुरुङले क्षति भएका ती सुपरमार्केटलाई पुनः उठाएर सञ्चालन गर्दै आएका छन् ।