कांग्रेसको विवाद सम्बन्धी रिटको सुनुवाई फागुन २७ गते हुने
काठमाडौं । सर्वोच्च अदालतमा नेपाली कांग्रेसको आधिकारिकता सम्बन्धी रिटको सुनुवाई फागुन २७ गतेका लागि तोकिएको छ ।
फागुन २७ गते कांग्रेसको विवाद सम्बन्धी रिटको सुनुवाई र त्यसपछि फैसला हुनेछ । नेपाली कांग्रेसको निर्वाचन आयोगको निर्णयविरुद्ध सर्वोच्च अदालतमा परेको रिट परेको थियो ।
तत्कालीन महामन्त्री गगन थापाले नेपाली कांग्रेसको विशेष महाधिवेशन भनेर भृकुटीमण्डपमा बोलाएको भेलाबाट पार्टी कब्जा गरेका थिए । पार्टी कब्जा गरेपछि कार्यबाहक सभापति पूर्णबहादुर खड्का नेतृत्वको कार्यसमितिले निर्वाचन आयोगमा निवेदन दिएको थियो । निवेदनको सुनुवाई नै नगरेर निर्वाचन आयोगले गगन थापालाई कांग्रेसको आधिकारिकता दिएको थियो ।
गगन थापालाई कांग्रेसको आधिकारिकता दिने निर्वाचन आयोगको निर्णयविरुद्ध कार्यबाहक सभापति पूर्णबहादुर खड्का नेतृत्वको कार्यसमिति न्यायका लागि सर्वोच्च अदालतमा गएको छ ।
फेसबुकबाट तपाईको प्रतिक्रिया