सम्राट सिमेन्ट उद्योगमा दुर्घटना, एक जनाको मृत्यु, अर्का व्यक्ति घाइते

लमही । दाङको देउखुरीस्थित सम्राट सिमेन्ट उद्योगमा कार्यरत मजदुरको मृत्यु भएको छभने एक जना घाइते भएका छन् ।

सोमबार लमही नगरपालिका वडा नं. ७ मा रहेको सिमेन्ट उद्योगमा काम गर्ने क्रममा माटोको ढिस्को खस्दा पुरिएर ३६ वर्षीय अरविन्द चौधरीको मृत्यु भएको प्रहरीले जनाएको छ । चौधरी लमही नगरपालिका वडा नं. ७ कमानपुर निवासी हुन् ।

लमही नगरपालिका वडा नं. ७ हसनापुर निवासी शंकर चौधरी घाइते भएका छन् । शंकर चौधरीको लमही अस्पतालमा प्राथमिक उपचारपछि थप उपचारका लागि नेपालगन्ज पठाइएको दाङ प्रहरीले जनाएको छ ।

उद्योगको पावर प्लान्टका काम हुँदै थियो । ठूलो खाडल खन्ने क्रममा माटोको ढिस्को खस्दा दुई जना पुरिएका थिए ।

सम्राट सिमेन्ट उद्योग नेपाली कांग्रेसका पूर्वसांसद एवम् केन्द्रीय सदस्य विनोद चौधरीको लगानी रहेको छ ।

Published : Monday, 2026 January 19, 8:10 pm