जावलाखेल । ललितपुर महानगरपालिका वडा नं १९ को आयोजनामा वडा कप खुल्ला रापिड रेटिङ बुद्धिचाल प्रतियोगिता सम्पन्न भएको छ ।

फिडे वर्ल्ड चेसको तत्वावधानमा दुई दिन सञ्चालन भएको प्रतिस्पर्धामा दोलखाका आशिष फूयाँलले ८ अंक जोडेर वडा कपको उपाधि शनिबार जितेका छन् ।

आशिष फूँयालले नवौं चरणको खेलमा सजिन महर्जनबिरुद्ध कठिन जित दर्ता गर्दै पहिलो पुरस्कार नगद १५ हजार, आकर्षक ट्रफी, मेडल तथा प्रमाणपत्र हात पारेका छन् ।

अंक ७.५ बनाएर राम्रो प्रोग्रेसिभ प्वाइन्टका आधारमा धरानका मुहान नरसिंह श्रेष्ठले द्वितीय बन्दै नगद १० हजार प्राप्त गरेका छन् । समान अंक जोडेर भक्तपुरका निकेन कुसाथा तृतीय बन्दै नगद ८ हजार प्राप्त गरे ।

स्पर्धामा ललितपुरका सिएम सजिन महर्जनले चौथो स्थानमा रहँदै नगद ६ हजार तथा सुरज महर्जनले पाँचौं स्थानमा रहँदै नगद ५ हजार प्राप्त गरेका छन् ।

मकवानपुरका एफएम क्षितिज भण्डारी, काठमाडौंका बद्रीलाल नेपाली, पाँचथरका रिसोन थापा, काठमाडौंका सिएमए केशव श्रेष्ठ र स्याङ्जाका आकाश सुवेदीले समान ७ अंक बनाउँदै क्रमशः दशौं स्थान सम्मको नगद ४ हजार प्राप्त गरेका छन् ।

उत्कृष्ट विधागत पुरस्कारतर्फ महिलामा झापाली खेलाडीद्वय पुनम प्रसाईं प्रथम र कृतिशारा अधिकारी द्वितीय भइन् ।

उत्कृष्ट नयाँ खेलाडीमा चितवनका सत्यम शर्मा प्रथम र पोखराका आयुष भण्डारी दोस्रो भए। उत्कृष्ट सिनियर मा काठमाडौंका सीएम नवीन तण्डुकार प्रथम र सीएम भगवतीप्रसाद शर्मा द्वितीय बने ।

उत्कृष्ट युवा–१६ वर्षमुनि मोरङका कशिभ कार्की प्रथम, काठमाडौंका सुभनदीप थापा द्वितीय, युवा–१४ वर्षमा भक्तपुरका प्रत्युस श्रेष्ठ प्रथम, साँखुका सोहम श्रेष्ठ द्वितीय, युवा–१२ वर्षमुनि भक्तपुरका हृदय बस्नेत प्रथम र ललितपुरका सोयस राई दोस्रो भए ।

उत्कृष्ट रेटिङ १८ सयमुनि भक्तपुरका प्रेम खड्का प्रथम, पोखराका शिशिर तिवारी द्वितीय, रेटिङ १६ सयमुनि ललितपुरका श्रीयस दाहाल प्रथम, बनेपाका राजन बजगाईं द्वितीय, उत्कृष्ट स्थानीयमा प्रलेस महर्जन प्रथम, विजय महर्जन दोस्रो तथा रौतटहका लक्कि खेलाडी मुकेश बर्माले पुरस्कार प्राप्त गरेका छन् ।

पाटनको रातो मच्छिन्द्रनाथ बहालमा एक कार्यक्रमबीच प्रमुख अतिथि ललितपुर महानगरपालिकाका उपमेयर मन्जली शाक्य बज्राचार्यले विजेता खेलाडीलाई नगद १ लाख १ हजार पुरस्कृत गरेका छन् ।

वडा नं. १९ का वडाध्यक्ष राजेन्द्र महर्जनको सभापतित्वमा सम्पन्न पुरस्कार वितरण समारोहमा नेपाल बुद्धिचाल महासंघका प्रवक्ता राजु ताम्राकार, खेल संयोजक वडा सदस्य वीरेन्द्र ताम्राकार, प्रवीन श्रेष्ठ, निर्मला खड्गी लगायतको उपस्थिति रहेको थियो ।