निर्वाचन आयोगको निर्णयविरुद्ध अदालतबाटै न्याय खोज्छौं : डा.शेखर कोइराला
काठमाडौं । नेपाली कांग्रेसका नेता डा.शेखर कोइरालाले निर्वाचन आयोगको विधि, ऐन, कानून विपरीत आएको निर्णय अस्वीकार गर्ने जनाएका छन् ।
शनिबार बिहान काठमाडौंमा आफूनिकटका नेताहरूसँगको छलफलमा डा.कोइरालाले निर्वाचन आयोगको ऐन, कानून, विधि र पद्धतिविरुद्धको निर्णयमा आफूहरू विपक्षमा उभिएको बताए । डा.कोइरालाले निर्वाचन आयोगको निर्णयविरुद्ध अदालतबाटै न्याय खोज्ने धारणा राखेको एक नेताले बताएका छन् ।
सभापति शेरबहादुर देउवा नेतृत्वको नेपाली कांग्रेसलाई निर्वाचन आयोगले अर्कै पक्षलाई दिएपछि कांग्रेसले सर्वोच्च अदालतमा न्यायका लागि जाने निर्णय गरेको छ ।
आफूनिकटका नेताहरूसँग छलफल परेपछि डा.कोइराला केन्द्रीय कार्यालय, सानेपामा बसेको केन्द्रीय समितिको बैठकमा सहभागी भएका छन् ।
कांग्रेसले निर्वाचन आयोगको निर्णयविरुद्ध संवैधानिक, राजनीतिक र कानूनी प्रतिवाद गर्ने निर्णय गरेको छ ।
बिचार/ब्लग
कांग्रेसले केन्द्रीय समितिबाट बुधबार गरेका निर्णयहरू
नेपाली कांग्रेस
कानूनले के भन्छ ? शेरबहादुर देउवा जहाँ, चार तारे झण्डा र रुख त्यहीँ
केशवराज जोशी, अधिवक्ता
फेसबुकबाट तपाईको प्रतिक्रिया