काठमाडौं । नेपाली कांग्रेसका सहमहामन्त्री किशोरसिंह राठौरलाई गगन थापाका समर्थकहरूले दुर्व्यवहार गरेका छन् ।

शुक्रबार राति काठमाडौंको कान्तिपथस्थित निर्वाचन कार्यालयको मूल गेट नजिकै आफ्नो गन्तव्यतर्फ जाने क्रममा सहमहामन्त्री राठौरलाई गगन समर्थक काभ्रेली गुण्डाहरूले दुर्व्यवहार गरेका हुन् ।

दुर्व्यवहार गर्ने समूहका गुण्डाहरूले गगन थापाको पक्षमा नारावाजी गर्दै निर्वाचन आयोगले गरेको निर्णयलाई आत्मसाथ गर्नुपर्ने भन्दै सहमहामन्त्री राठौरलाई दुर्व्यवहार गरेका हुन् ।

प्रहरीको उच्च निगरानीमा रहेका गुण्डा नाइकेका दावा लामा पनि ती युवाहरूले राठौरलाई दुर्व्यवहार गरेको स्थलमा देखिएका छन् । सहमहामन्त्री राठौरलाई दुर्व्यवहार गर्ने काभ्रेली गुण्डाहरूलाई दावाले सम्झाएर लगेको भिडियोमा देखिएको छ ।

निर्वाचन आयोगले गगन समूहको पक्षमा निर्णय सुनाएपछि निकै उत्तेजित बनेका ती गुण्डाहरूले सहमहामन्त्री राठौरलाई निकै अपमानित हुने शब्दावली बोलेका छन् । त्यसपछि राठौरले उनीहरूलाई कांग्रेस भएर अनुशासित हुन भनेका छन् ।

निर्वाचन आयोगको निर्णयपछि निकै अहँकारी र अराजक बनेका ती समर्थकहरूले नेपाली कांग्रेसका नेता तथा कार्यकर्ताहरू विरुद्ध निरन्तर अभिव्यक्तिहरू दिइरहेका थिए ।