लोकतान्त्रिक पद्धतिअनुसार कांग्रेसको आधिकारिकताको निर्णय हुनेछ : नेता डा.कोइराला

काठमाडौं । नेपाली कांग्रेस नेता डा.शेखर कोइरालाले लोकतान्त्रिक पद्धतिअनुसार पार्टी आधिकारिकताको निर्णय हुने विश्वास व्यक्त गरेका छन् ।

शुक्रबार निर्वाचन आयोगमा डा.कोइरालाले सिङ्गो केन्द्रीय समिति उपस्थित भएर अनुरोध गरेको जानकारी गराए । उनले कांग्रेसको विवादबारे आधिकारिकता निर्णय पनि सोही आधारमा हुने बताएका छन् ।

नेता डा.कोइरालाले भने, ‘सिंगो केन्द्रीय समिति र सदस्य यहाँ छन्, केही चोइटिएर गए होलान् ।’

डा.कोइरालाले विशेष महाधिवेशनका पक्षमा गरिएका हस्ताक्षर फिर्ताको निस्सा आफूहरूसँग रहेको पनि बताए । उनले भने, ‘विशेष महाधिवेशनका लागि गरिएको हस्ताक्षर फिर्ता भएको निस्सा हामीसँग छ ।’

नेता डा.कोइरालाले निर्वाचन आयोगलाई व्यक्तिभन्दा पनि संस्था हेर्न आग्रह गरेका छन् ।

Published : Friday, 2026 January 16, 2:49 pm