काठमाडौं । नेपाली कांग्रेसका महामन्त्रीद्वय गगन थापा र विश्वप्रकाश शर्माले विशेष महाधिवेशनको नाममा भृकुटीमण्डप भेलाबाट पार्टी विभाजन गर्नेतिर लागेपछि कारबाही प्रक्रिया अगाडि बढेको छ ।

बुधबार पार्टी कार्यालय, सानेपामा बसेको केन्द्रीय कार्यसमितिको बैठकले महामन्त्रीद्वय थापा र शर्मा तथा अन्य केही नेताहरूलाई कारबाहीको तयारी गरेको हो । केन्द्रीय सदस्य अर्जुन नरसिंह केसी, अजयबबु शिवाकोटी, लुम्बिनी कांग्रेसका सभापति अमरसिंह पुन र गण्डकी कांग्रेसका सभापति शुक्रराज शर्मासहितका नेताहरूलाई कारबाहीको तयारी भएको छ ।

सानेपा पुगेका कार्यकर्तालाई कार्यवाहक सभापति पूर्णबहादुर खड्काले अब पार्टी जोगाउन नसकिएको बताएका छन् । खड्काले भने, ‘उहाँहरू पार्टी फुटाउनेतर्फ अघि बढेको देखियो । सहमतिका लागि हदैसम्मको लचकता देखाउनुभएको थियो । हस्ताक्षर छाड्छु भन्नुभएको थियो । हस्ताक्षर छोड्न तयार हुँदा पनि निर्वाचन प्रक्रिया रोक्नुभएन ।’

कार्यबाहक सभापति खड्काले भने, ‘उहाँहरू पार्टी फुटाउनेतर्फ अघि बढेको देखियो । त्यसैले सहमति हुन सकेन ।’