काठमाडौं । वरिष्ठ पत्रकार एवम् राजनीतिक विश्लेषक देवप्रकाश त्रिपाठीले नेपाली कांग्रेसका महामन्त्री गगनकुमार थापालाई सोभियत युनियन बिघठन गर्ने गोर्बाचोभसँग तुलना गरेका छन् ।

पार्टीको विधान विपरीत महामन्त्री थापाले कांग्रेसको अबैधानिक विशेष महाधिवेशन बोलाएपछि राजनीतिक विश्लेषक त्रिपाठीले सामाजिक सञ्जालमा नाम उल्लेख नगरेर थापालाई कांग्रेसको गोर्बाचोभ भनेर टिप्पणी गरेका हुन् ।

राजनीतिक विश्लेषक त्रिपाठीले आइतबार लेखेका छन्, ‘गोर्बाचोभलाई विद्यार्थी कालदेखि नै डीपस्टेटले प्रमोट गर्दै लगेर अन्ततः देश बिघटनसम्म पुर्‍याएको थियो । नेपाली कांग्रेसको गोर्बाचोभ को होला ? जसले कांग्रेस बिघटनको मिसन पूरा गर्दैछन् ।’

महामन्त्री थापा र विश्वप्रकाश शर्माले विशेष महाधिवेशनको बहानामा अबैधानिक भेला बोलाएर कांग्रेसलाई विभाजन गर्न लागेका छन् । कांग्रेसलाई विभाजन गर्न लागेपछि कांग्रेसप्रति शुभेच्छा राख्नेहरूले महामन्त्रीद्वय थापा र शर्माका गतिविधिहरूप्रति चिन्ता जनाएका छन् ।