सिङ्गो डोल्पा कांग्रेस गगन–विश्वको विशेष महाधिवेशन र पार्टी विभाजनको विपक्षमा उभियो

काठमाडौं । नेपाली कांग्रेस, डोल्पाका महाधिवेशन प्रतिनिधिहरूले महामन्त्रीद्वय गगन थापा र विश्वप्रकाश शर्माको पार्टी फुटाउने गतिविधिप्रति असहमति राख्दै नियमित महाधिवेशनको पक्षमा उभिएका छन् ।

शनिबार डोल्पा कांग्रेसका १५ जना महाधिवेशन प्रतिनिधिहरूले संयुक्त रुपमा कांग्रेस केन्द्रीय कार्यालय, सानेपामा पत्र बुझाएर कुनै पनि पक्षलाई सहयोग गर्ने गरेर आफूहरूले हस्ताक्षर नगरेको जनाएका छन् । उनीहरूले आफूहरू पार्टीको नियमित महाधिवेशन र फागुन २१ को निर्वाचनका विषयमा केन्द्रित रहने जनाएका छन् ।

महाधिवेशन प्रतिनिधिहरूले महामन्त्रीद्वय थापा र शर्माले पार्टीको विधान विपरीत व्यक्तिगत रुपमा विशेष महाधिवेशनको नाममा अबैधानिक भेला बोलाएका छन् । भेलाबाट कांग्रेस विभाजन गर्ने थापा र शर्माले गतिविधि गरिरहेका बेला डोल्पाका सबै महाधिवेशन प्रतिनिधिहरूले विशेष महाधिवेशनको विपक्षमा उभिएका छन् ।