काठमाडौं । चौतर्फी आलोचना भएपछि बाध्यए भएर भदौ २३ र २४ गतेको जेनजी आन्दोलनमा भएको घटनाबारे प्रतिवेदन तयार पार्न गर्न भएको जाँचबुझ आयोगले तीन जनाको स्थानहद फुकुवा गरेको छ ।

मंगलबार जाँचबुझ आयोगले तत्कालीन गृहसचिव गोकर्णमणि दुवाडी, आईजीपी चन्द्रकुवेर खापुङ र काठमाडौंका सीडीओ छविलाल रिजाललाई पत्र पठाएर स्थानहद फुकुवा गरेको जनाएको हो ।

आयोगका उपसचिव कमलप्रसाद पाण्डेले पठाएको पत्रमा उनीहरूको स्थानहद फुकवा गरिएको र विदेश भ्रमण गर्न समेत पाउने बताइएको छ ।

उनीहरूको बयान सकिएकाले स्थानहद फुकुवा गरिएको जनाइएको छ । यसअघि गुप्तचर अर्थात राष्ट्रिय अनुसन्धान विभागका तत्कालीन प्रमुख हुतराज थापाको बयान सकिएपछि उनको पनि स्थानहद फुकुवा गरिएको थियो ।

गत भदौ २३ र २४ गते भएको जेनजी आन्दोलनको क्रममा छानबिन गर्नुपर्ने भन्दै उनीहरूलाई स्थानहद तोकिएको थियो । स्थान हद तोकिएपछि विरोध भएको थियो । अन्तरिम सरकारको निकै आलोचना पनि भएको छ ।