स्टक एक्सचेञ्जको प्रमुख कार्यकारीका लागि ५ जनाको नाम सार्वजनिक, बुधबार अन्तवार्ता

काठमाडौं । नेपाल स्टक एक्सचेञ्ज लिमिटेड (नेप्से)को प्रमुख कार्यकारी अधिकृत पदमा नियुक्तिका लागि गठित सिफारिस समितिले ५ जनाको नामावली सार्वजनिक गरेको छ ।

समितिले चुडामणि चापागाईं, नारदकुमार लुईंटेल, पूर्णप्रसाद आचार्य, बद्रीप्रसाद प्याकुरेल र हेमन्त बस्यालको नाम संक्षिप्त सूचीमा प्रकाशित गरिएको जनाएको छ ।

संक्षिप्त सूचीमा नाम प्रकाशित भएका ५ जनालाई चैत ६ गते बुधबार बिहान ७ बजे अर्थ मन्त्रालयमा सम्पर्क गर्न समितिले आइतबार सूचना प्रकाशित गरेको छ । समितिले नागरिकता, शैक्षिक योग्यता र कार्य अनुभवको पुष्टि गर्ने सक्कल कागज प्रमाणहरू लिई उपस्थित हुन भनिएको छ ।

बुधबार ५ जना उम्मेदवारहरूसँग समितिले अर्थ मन्त्रालयमा अन्तर्वार्ता लिनेछ । त्यसपछि एकजनालाई प्रमुख कार्यकारी अधिकृत पदमा नियुक्त गरिनेछ ।

Published : Sunday, 2025 March 16, 7:11 am