गाेदावरी । नेपाली कांग्रेसले महासमिति बैठकमा पेश भएका चार वटा प्रस्तावहरू सर्वसम्मतबाट पारित भएका छन् ।

बिहीबार ललितपुरको गाेदावरीमा बसेकाे महासमिति बैठकमा महामन्त्री गगनकुमार थापाद्वारा पेश गरिएका चार वटा प्रस्तावहरू सर्वसम्मत पारित भएकाे हाे ।

उपसभापति पूर्णबहादुर खड्काले पेश गरेको नीति प्रस्ताव, महामन्त्री गगन थापाले पेश गरेको सांगठनिक प्रस्ताव, महामन्त्री विश्वप्रकाश शर्माले पेश गरेको समसामयिक राजनीतिक प्रस्ताव र लेखा समिति संयोजक श्याम घिमिरेले पेश गरेको लेखा परीक्षण प्रतिवेदन सर्वसम्मतीले पारित भएका छन् ।

महामन्त्री थापाले चार वटै प्रस्ताव पारित गरिदिन गरेको आग्रहमा महासमिति सदस्यहरूले ताली बजाएर कांग्रेस केन्द्रीय समितिले अनुमोदन गर्ने गरी चार वटै प्रस्ताव सर्वसम्मतले पारित भएको छ ।

सभापति शेरबहादुर देउवाले प्रस्तावहरूलाई सर्वसम्मत गराउन गाेदावरीमा कार्यसम्पादन समितिको बैठक राखेका थिए । देउवाकै पहलमा महासमिति बैठक एक भएकाे छ ।